Жексенбі, 15 Қазан 2017 19:55

Бәрекелді, Бақтияр!

Жайдарман жаңалық! Жерлесіміз, Шелек спорт мектебінің бокс үйірмесінің тәрбиеленушісі Бақтияр Қалменов топ жарды. Алматы облыстық турнирде 69 келі салмақта жеңімпаз атанып, мерейімізді асырды.

Талайды тәнті еткен Бақтиярдың спорттың бұл түрімен айналысқанына 7 жыл. Тынымсыз төккен тер мен үздіксіз жаттығу нәтижесінде осындай жеңісті арқалап отырған жігіттің де ендігі жоспары біреу: Жетісу кубогын еншілеу. Бұл тұрғыда жаттықтырушылары Бақытбек Сейітбеков пен Әркен Даутовтың да айтары бар екен: – Бақтияр көздегенін құлатпай қоймайтын жас. Осы жолда күн-түні дайындалуға бар. Сондықтан жеңіс тұғырынан көрінетініне сенеміз. Иә, Шелек спорт мектебі бокс үйірмесіне Алматы облыстық мәслихатының депутаты Жангелді Осан үнемі қолдау көрсетіп келеді. Бұл тұрғыда: – Қазір спортшылардың бабын келтіруде оларға толыққанды жағдай жасау керек. Жаттығу алаңы мен формасын қоспағанның өзінде жарысқа бару, қайту жолақылары, ондағы тамақтануы дегендей... Еліміздің туын әлемде желбірететін жас буынды тәрбиелеуде бізге үнемі Жангелді Көшімбайұлы материалдық қолдау көрсетіп келеді. Сондықтан жаттықтырушылар, спортшылар атынан зор алғыс білдіреміз – дейді жаттықтырушылар. Қайнар ЖҰМАҒОЖА.A

 

Қаралды 75 рет
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

Жарнама