Жұма, 13 Сәуір 2018 11:38

Қазақ күресі көңілден шықты

 

Жақында Масақ орта мектебінде 2007-2010 жылғы жасөспірімдер арасында Ауған соғысының аяқталуына 29 жыл толуына орай және ауған соғысының ардагерлері Қуаныш Алғабаев пен Серік Әбілдаевтің жүлдесі үшін қазақ күресінен ауданаралық турнир өтті.

Турнир мақсаты – жасөспірімдерді әділдік пен бейбітшілікті көздеген елінің патриоты болуға баулу. Өзара күш сынасқан спортшылар ақыры «түйе палуанды» да анықтады. Есіктік Айдар Әділжан ортасынан оза шапса, оның жерлесі Дінмұхаммед Серік ІІ орынды місе тұтты. Масақ ауылының палуандары Рамазан Батырханұлы мен Бексұлтан Зейнелхан ІІІ орынға жайғасты. Жас тарландардың додалы жарысын ұйымдастырған дене шынықтыру пәнінің мұғалімі Ерболат Алиасқаров жастарды қолдап, демеушілік көрсеткен Б.Нұрбеков, А.Рахманқұлов, Б.Жақабаев, Е.Ережепов, Е.Садыбеков сынды азаматтарға ризашылығын білдірді.

 

Өз тілшіміз.

Қаралды 83 рет
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

Жарнама