Қош келдіңіз! Добро пожаловать!
Күндер бойынша реттелген элементтер: Бейсенбі, 07 Ақпан 2019

Алатау мен Жетісу таулы аймақтарындағы қарағайлы, қайыңды беткейлер, арша мен шыршалы алқаптар, Іле, Балқаш бойындағы тораңғылы, сексеуілді далалар, жайлаудағы бетегелі-жусанды жазықтар тау бұлақтарынан бастау алып, жер бетіне өрнек салған ерке өзендер жер жәннаты – Жетісудың табиғатына ерекше көрік беріп тұр. Сондай-ақ, орман – жер асты суларының деңгейінен реттейді, топырақ эрозиясынан сақтайды. Төрт түлік малдың көктемгі көктеуі, жазғы жайлауы, күзгі күздеуі, қысқы қыстау болған орман қорының жерлері. Осындай сұлулығымен адамды өзіне баурап алатын тұмса табиғат ауданымыздың да сәнін кіргізіп тұрғандай. Есік өңірі Іле-Алатау ұлттық паркімен мақтанса, Шелек өңірінің сұлулығы Шелек орман шаруашылығының аумағына сыйып жатыр. Жақында алып мекемеге арнайы барып, жұмыс барысымен танысып, орман шаруашылығының директоры Бекболат Алтаевпен тілдескен едік.

– Құрметті Бекболат Мұхаметжанұлы, әңгімемізді Шелек орман шаруашылығының құрылу тарихынан бастасақ.

– Өзіміз қызмет етіп отырған мекеменің тарихы тереңде жатыр. Былтыр ғана 70 жылдығымызды атап өткен болатынбыз. Негізінен, Шелек орман шаруашылығы 1948 жылы құрылған. Бірінші рет орман орналастыру жұмыстары 1954 жылы қазақ авиациялық суреттері мен орман орналас-тыру канторының 7-ші орман орналастыру партиясы бойынша жасалған. Кейіннен 1964, 1974, 1984, 1994 жылдары және соңғы орман орналастыру жұмыстары 2016 жылы Қазақстан Республикасы Ауылшаруашылық министрлігі «Қазақ орман орналастыру кәсіпорнымен» жасалынды. 1956 жылдан бастап Шелек механикаландырылған орман шаруашылығы деп аталған мекеменің атауы осы күнге дейін бірнеше рет ауысты.

– Орман шаруашылығының аумағы қандай?

– Шелек орман шаруа-шылығының орман қоры жерлері «Тянь-Шань» тау сілемдерінің теңіз деңгейінен 1600-3800 метр аралығында және дала жартылай шөлейт жерлерде орналасқан. Бүгінгі күнге «Шелек орман шаруашылығы» КММ орман қоры жерлері 117 мың 462 гектарды құрайды. Оның ішінде жартысына жуығы, яғни, 48 мың 810 гектар жер орманды алқап. Сонымен қатар, мекеме аумағы 4 орманшылыққа бөлінген: Табан-Қарағай орманшылығы (21733 га), Шелек орманшылығы (32526 га), Іле  орманшылығы (50257 га), Жиделі орманшылығы (12946га).

Қорғалатын аумақта елімізге әйгілі «Асы» жайлауы, «Ой-жайлау»,«Табан-Қарағай» бар. Сонымен қатар, тарихи орындар, Шелек өңірінде табиғаты көркем, суы тұнық, мөлдір, жанға сая болатын жерлер мен шипалы сулар орналасқан.

– Аталған аймақтарды қанша адам күзетеді? Жалпы материалдық-техникалық базаңыз қандай?

– Табиғат – мемлекетіміздің, жалпы адамзаттың баға жетпес байлығы. Әсіресе, Жетісу өңірінің табиғаты ерекше қорғалады. Сондықтан, бізде мамандар жеткілікті. Мекемеде барлығы 89 адам қызмет атқарады, орташа орман күзету алаңы 2500 гектарды құрайды. Оның ішінде, 47 маман – орман күтушілері. Өрт сөндіру станциясында 14 адам жұмыс істейді. Сондай-ақ, мемлекет тарапынан орманшыларға жағдай жасалуда. Жаңа жылдан бастап, орман қорғаушы мамандардың жалақысы 25 пайызға ұлғайды. Оның сыртында орманшылар маусымдық киімдермен, ат, ер-тұрманмен, мотоциклмен, қорапша үйлермен қамтамасыз етіледі.

Соңғы жылдары мекеменің материалдық-техникалық базасы біршама жақсарды. Бүгінгі таңда орманшылықтарға 7 дана автокөлік қызмет бабына пайдалануға бекітіліп берілген. 2 МТЗ тракторы, 2 су тартқыш, 2 өрт сөндіру, 2 патрульдік, 1 ЗИЛ – 131 жүк тасымалдау автокөлігі бар. Сонымен қатар мекеме басшысы, орынбасары, орман қорғау инженері, аңшылық маманы қызметтік автокөліктермен қамтамасыз етілген. Барлығы 16 патрульдік автокөліктер 1 тас-палы ағаш тілетін құрал бар, 46 дана қол радиобайланыс жүйесі жұмыс істейді.

– Орманның жауы – өрт. Тілсіз жауды болдырмау мақсатында қандай жұмыстар атқарылуда? Өрт оқиғасы тіркелді ме?

– Әрине, бірінші кезекте тұрғындар мен демалушылар арасында түсіндіру жұмыстарын жүргіземіз. БАҚ-қа хабарландырулар беріп, орманды өрттен сақтауға барымызды саламыз. Оған қоса, жылда оқу-жаттығу жұмыстарын жүргізіп, мамандарымыздың дайындықтарын пысықтаймыз.

Орман шаруашылығының аумағы үлкен болғандықтан, әрине, өрт оқиғалары тіркеледі. Алайда, өрт сөндірушілер мен орманшылардың қырағылы-ғының арқасында тілсіз жауды ауыздықтап үлгереміз. Біздің мақсатымыз – орманды өрттен сақтау. Сондықтан, біздің мекеме қызметкерлері орманға қарай жылжыған дала өртімен де алысуға мәжбүр. Алдыңғы жылы, Алғабас және Таусүгір аумақтарында орын алды. Апат салдарынан 600 гектарға жуық алғап күлге айналды. Абырой болғанда, қызыл жалын орманға бірнеше шақырым қалғанда ғана сөндірілді.

– Таулы аймақтарға баратын техникаларыңыз бар ма?

– Қазіргі уақытта таулы мекендегі өртті сөндіретін тікұшақ ұстауға біздің шамамыз жетпейді. Десек те, оқыс оқиға тіркелген жағдайда, Алматы облысы бойынша 2 тікұшақ бар. Арнайы белгіленген орындарға құтқарушылар мен өрт сөндірушілерді тасымалдайды. Сонымен қатар, 2 патрульдеу ұшағы адам аяғы баспаған жерлерді әрдайым бақылауда ұстап отырады. Себебі, өрт темекі тұқылы, от қалдықтарынан бөлек найзағай түскен жерде де шығуы мүмкін.

– Шелек орман шаруашылығының құрамына туристік орындар да кіреді. Өткен жылы осы бағытта қанша табыс таптыңыздар?

– Негізінен орман қорының жерлерін келісім-шарт негізінде жалға беру арқылы пайда табамыз. Қазіргі уақытта 32 орман пайдаланушы бар. Мәдени, сауықтыру және туризм бағытындағы 751 гектар жерді жалға беру арқылы бюджетіміз 665 мың теңгеге толықты. Мал жайылымына берілген 26 мың гектардан астам алқаптан 1 млн 733 мың теңге пайда түсті. Саңырауқұлақ терушілерден де 258 мың теңге алынды. Оған қоса, шөп шабуға, дақылдар өсіруге, омарта, қамыс, ши оруға жерлер бөлініп берілді. Жалпы 2018 жылы түскен қаржы 3 млн 289 мың теңгені құрады.

– Шелек орман шаруашылығы өсімдік пен жануарлар дүниесіне қаншалықты бай?

– Таулы жерлерде негізгі ағаш қоры Шренка шыршасы, «Тянь-Шань» шетені, арша талдар, далалы жерлерде тораңғы, сексеуіл, жиде, тамарикс сияқты ағаштар өседі және өсімдіктердің көптеген түрлерін кездестіруге болады. Сонымен қатар Қазақстанның қызыл кітабына енген Боз жапырақты тораңғы ағашыда Іле өзенінің жағасында жайқалып тұр. Ағаштың бұл түрі бізде және Американың Колорадо штатында ғана өсетін белгілі.Шелек орман қоры алқаптарында Қызыл кітапқа енген біршама аңмен құстар кездеседі. Жайран сілеусін, тау бүркіті, ителгі, лашын және басқа аң-құстар біздің басты назарымызда.

2016 жылғы орман орналастыру жұмыстарының жоспары негізінде 2018 жылы 11,5 гектар жерге 133 мың дана ағаш көшеттері отырғызылды: олар – қарағаш, жәй өрік және жиде.

Бүгінгі таңда мекеменің уақытша тұқымбағында Қырым қарағайы, жәй қарағай, көгілдір шырша, шығыс биотасы, май қарағай, каштан, катальпа, қарағаш, жәй өрік, Сиверс алмасы, бирючина, емен, қызыл долана, Қазақстан терегі, шетен сынды 15 түрлі ағаш көшеттері өсірілуде. Отырғызылған көшеттердің өсу сапасы жақсы, ағаш-бұта тұқымдарын жинау дұрыс жолға қойылған.

– Уақыт бөліп, сұхбат бергеніңізге рахмет.

 

Сардарбек НҰРАДИН.

Published in Мақалалар

Во исполнение задач, поставленных в Послании Главы государства и государственных программамах развития агропромышленного комплекса, под руководством акима района Бинали ЫСКАКА разработана «Концепция региональной программы развития АПК». Ключевое место в ней отведено  программе  «Агробизнес-2020». В растениеводстве она включает  культивирование интенсивных садов, расширение площадей под кукурузу, сою, масличные культуры. Ключевое место  также  отведено тепличным комплексам. Сейчас они занимают площадь 21,4 гектара, из них 17 крупных и 143 фермерских. В 2019-2020 годах  ожидается ввод в строй теплиц ТОО «Жами агро» площадью 15 га в Рахатском округе (5,6 млрд тенге инвестиций) и АО «АгроМасак» площадью 2 га в Масакском округе (750 млн тенге инвестиций). Участие в  развитии этого перспективного направления принимают не только частные инвесторы и кредитные фонды. В него включен также  тепличный комплекс СПК «Жарсу фермерлері» в Акшийском сельском округе, инвестируемый Фондом местных сообществ Енбекшиказахского района.

Программа ФМС «Развитие сельских регионов», действующая с 2013 года,  кроме  Шелекского региона, продолжилась в Есикском регионе.  Здесь в 2018 году в с.Акши был создан кооператив тепличных хозяйств СПК «Жарсу фермерлері». В кооператив объединились 11 местных жителей под председательством Марата Бошугулова. Общая плошадь теплиц составляет 1500 квадратных метров. В каждой теплице установлены емкости с теплой водой для полива в холодный период, а также капельное орошение. Осенью 2018 года кооператоры получили и самостоятельно реализовали первый урожай огурцов урожайного сорта «Директор F1» и готовятся к новому сезону. Члены кооператива благодарны ФМС за инвестиционную поддержку в строительстве теплиц и организационную помощь, предоставленную возможность улучшить благосостояние их семей.

 Проект  реализован в рамках совместной программы ФМС и ЕС/ПРООН/ЕЭК ООН (международная организация Евросоюза)  «Поддержка Казахстана для перехода к модели «зеленой экономики». Строительство тепличного комплекса было завершающей стадией проекта  ЕС/ПРООН/ЕЭК ООН  по внедрению в Акшийском сельском округе водосберегающих технологий  в партнерстве с  Комитетом вод-ных ресурсов МСХ РК. Согласно проекту    на территории округа для предотвращения  затопления с.Акши грунтовыми водами реконструирована коллекторно-дренажная сеть, в школе и детсаде установлены солнечные водонагреватели,  станция биологической очистки сточных вод.  Строительство теплиц и создание СПК «Жарсу фермерлері» стало завершающей стадией проекта, которую взял на себя Фонд местных сообществ.

Об общественной значимости  СПК «Жарсу фермерлері» говорит менеджер ФМС  Индира Мырзаканова:

– Основная задача   проекта – привлечение местного сообщества к управлению водной инфраструктурой. Этому способствует внедрение бизнес-модели СПК «Жарсу фермерлерi».  Часть доходов тепличного бизнеса будет направляться на  содержание коллекторно-дренажной сети и прудов-накопителей. В свою очередь фермеры получают выгоду в виде инвестиций в строительство тепличного комплекса, а также орошения «открытых» посевных площадей и тепличных посадок, так как основным источником полива теплиц и 8 га плантаций овощей на открытом грунте служат два пруда-накопителя, в которые поступает вода из дренажной сети.     

Исполнительный директор ФМС Бакытгуль Ельчибаева  планирует вывести СПК «Жарсу фермерлері», к созданию которого она приложила немало усилий, на уровень системного агробизнеса: обеспечить сотрудничество кооператоров из с.Акши с крупными торговыми сетями для получения прибыли без посредников,  добиться улучшения производительности теплиц, обеспечить фермерам получение юридических и финансовых консалтинговых услуг. Бакытгуль Казезбаевна рассказывает:

–   По программе «Развитие сельских регионов» ФМС помогает сельским жителям   наладить выращивание и сбыт овощной продукции, занимается  разработкой, внедрением и тиражированием инновационных механизмов  взаимодействия гражданского общества с органами власти  и бизнесом в сельской местности. В селе Шелек открыт  Агробизнес- центр, в котором жители Шелекского региона получают бесплатный доступ к информации, государственным программам по содействию и поддержке малого и среднего бизнеса в сельских регионах. В  Агробизнес-центре  для фермеров организованы бесплатные  обучающие семинары по выращиванию овощей, маркетингу,  бухгалтерскому учету,  обеспечен доступ к информации по развитию  малого и среднего бизнеса.

Осенью 2017 года при содействии Фонда местных сообществ   в Шелекском регионе был создан СПК «Шелек фермерлері», ориентированный на развитие тепличных хозяйств и сбыт сельхозпродукции в партнерстве с такими  торговыми сетями г.Алматы как  «Арзан», «Metro»,  «Magnum». 

Члены СПК «Шелек фермерлері» успешно выращивают овощную продукцию в  мини-теплицах, строительство которых профинансировал  ФМС при спонсорской поддержке компании «Филип Моррис Казахстан». В помощь фермерам создан тепличный демо-участок, на котором агроном ФМС Павел Кавунов  апробирует инновационные   агротехнологии: использование пленки-мульчи, капельное орошение, внедряет в товарное производство сельхозпродукции  выращивание тепличного перца, томатов на шпалерах.

Успешная деятельность  СПК «Шелек Фермерлері» позволила Фонду местных сообществ  реализовать наработанный опыт и в Есикском регионе путем создания в с.Акши аналогичного кооператива.  СПК «Жарсу фермерлерi», как и СПК «Шелек фермерлері», предназначен для организации совместного сбыта сельхозпродукции участниками программы «Развитие сельских регионов» и, что не менее важно, для обеспечения сельчанам дополнительного источника дохода. Мы хотим показать, что проблемы социально-экономического развития сельских регионов можно решать путем сотрудничества НПО со стратегическими партнерами, формируя в ауле и на селе благоприятные жизненные условия, способствуя, согласно Посланию Президента РК Нурсултана Назарбаева, модернизации социальной среды сельских территорий, помогая местным сообществам в гражданской самореализации и развитии предпринимательской инициативы.

И. ТУРАНИН.

На снимке: рабочий полдень в СПК «Жарсу фермерлерi».

Published in Саясат
Бейсенбі, 07 Ақпан 2019 15:56

Дамудың жаңа сатысы

 

Шетелдік тәжірибемен ел басқару саясатына енген жергілікті өзін-өзі басқару жүйесі бүгінде көптің қолдауына ие болып, жұртшылық демократиялық жүйенің жемісін көруде. Бұрындары билік ісіне көңілі толмайтын халық қазір жергілікті әкімдікпен бірлесе қызмет етіп, өз ауылының дамуына үлесін қосуда. Жақында ғана іске қосылған жүйе туралы бұрындары ел тізгінін ұстаған азаматтар да оң пікірде. Ауылдық округтерде ұзақ жылдар әкім қызметін атқарып, зейнеткерлікке шыққан еңбек ардагерлері өзін-өзі басқару жүйесі жайлы пікірлерін білдіріп, ұсыныстарын жеткізген еді.

 

Тілеулес ҰЗАҚОВ:  «Қоғамға серпін берді»

Елбасының жергілікті өзін-өзі басқаруды енгізудегі алға қойған мақсаты – халықтың тікелей билікке араласуы және жергілікті атқарушы органдары қызметінің ашықтығын қамтамасыз ету болатын.

Қазақстанда бұрын-сонды болмаған демократиялық жүйе қараша халықтың көңілінен шығуда. Бес саусақ бірдей болмайтыны секілді, адамдар да әртүрлі болады. Бірі биліктің жүргізіп отырған саясатына сенімсіздікпен қараса, енді бірі бұл мәселеге мүлдем бас ауыртпайды. Осындай азаматтардың басын бір арнаға тоғыстырған жергілікті өзін-өзі басқару жүйесі, халыққа өз елдімекенінің көркеюі жолында еңбек етуді үйретуде.

Қазіргі күнде жергілікті атқарушы орган, яғни, қауымдастық мүшелері бөлек жиындарда халықтың арасынан сайланып, өзі тұратын аумаққа қатысты өзекті мәселелерді шешуде халықтың тікелей өкілі болып табылады. Олар  маңызды сұрақтарды шешумен қатар, жергілікті бюджеттің қалыптасуы, игерілуін қадағалайды, сонымен қатар ауыл әкіміне ұсынылатын үміткерлермен келісіп, ауыл әкімі қызметіне лайық болмаған жағдайда лауазымынан босату туралы ұсыныс береді. Жергілікті өзін-өзі басқарудың енгізілуімен халықтың билікке деген сенімі артып, билік пен халықтың арасы жақындай түсті. Жалпы халықтың өкілі болып табылатын жергілікті қауымдастық мүшелері арасынан тұрақты жиналыс мүшелері анықталып, ауыл әкімдерімен тікелей тығыз қарым-қатынаста жұмыс істеуде. Соның нәтижесінде шеттетуге келмейтін, кезек күттірмейтін мәселелер оң шешімін табуда. Халықтың салық төлемдерін төлеудегі белсенділіктері артуда. Әрине ауыл тұрғындары жолдың жөнделуі, тазалануы, күл-қоқыстың шығарылуы, жол белгілерінің орнатылуы, түнгі жарық шамдарының орнатылуы сияқты барлық мәселелердің тез арада шешіліп, өмір сүру сапасының жоғары болуын қалайды. Дегенмен, бюджеттік заңнамалар, Мемлекеттік сатып алуға қатысты заңнамалардың ережелеріне сәйкес, барлық бюджеттік шығындар заң аясында белгіленген тәртіппен жүргізілуі тиіс. Жергілікті, аудан, облыс, республикалық бюджеттен шешілетін мәселелер бар, оны да ескергеніміз дұрыс. Халық арасында уақтылы түсіндіру жұмыстары жүргізіліп, барлық мәселелер өзектілігіне қарай шешілуде. Жалпы Елбасының алдымызға қойған тапсырмаларына сәйкес, жергілікті өзін-өзі басқарудағы барлық жақсы өзгерістер оң жолға қойылып, нәтижелі жұмыстардың арқасында еліміз өркендей береді деп сенемін.  

 

Осман АБИБОВ:  «Бюджет қаржысы аздық етеді»

Жергілікті өзін-өзі басқару жүйесі – заманауи ел басқарудың бірыңғай тетігі. Бұл – азаматтарымызды биліктің ісіне араласуға шақырып, тұрғындарға өз проблемаларын өздері шешуге бағыттайды. Жалпылай алғанда, жергілікті өзін-өзі басқару жүйесінің бізге берері мол. Бір жағынан демократияның айқын көрінісі.

Аталған жүйе негізінен дамыған елдерде қолданылады. Халық пен билік арасын жақындатуда таптырмас құрал болған өзін-өзі басқару жүйесін Қазақстанға енгізуде түрлі пікірлер айтылып, бірнеше жыл бойы зерттелді. Осылайша, Елбасы Н.Назарбаев жергілікті өзін-өзі басқарудың тұжы-рымдамасын қабылдап, жүйені енгізуді кезең-кезеңге бөліп берді. Осыдан он шақты жыл бұрын талайдың күмәнін тудырған жүйе қазір өзінің жемісін бере бастады.

Негізінен, Кеңес үкіметі-нің тұсында ауылдық кеңестердің бюджеті болған. Тәуелсіздіктің алғашқы жылдары да орталық-тандырылған бухгалтериямен мем-лекеттік қызметкерлердің жалақысы, мемлекеттік мекемелердің күтімі де ауылдық әкімдіктің құзырында болатын. Кейбір мекемелер жеке меншікке сатылып, қалғаны округтің меншігінде болған. 95 жылдардан кейін ғана орталықтандырылған бухгалтерия ауданға көшіріліп, ауылдық округтің бюджеті бос қалды.

Қазір мемлекеттік қызметкер-лерге жағдай жасалып, сәйкесінше қызмет көрсету сапасы артып келеді. Мен Бәйтеректе 26 жыл әкім қызметін атқардым. Бірақ бүгінгідей жағдай бізде болған емес. Тіпті, кезінде әкімдік аппаратында бес-ақ адаммен жұмыс істедік. Бүгінгі таңда 15-ке жуық маман өз саласы бойынша жұмысын алаңсыз атқаруда.

Бүгінгі таңда әрбір округтің өздерінің бюджеттері құрылып, салықтың алты түрі соған құйылады. Одан түскен қаржыны жергілікті қауымдастық өкілдері әкімдікпен бірлесе отырып жұмсайды. Айталық, өзім тұратын Бәйтерек ауылдық округінде 21 қауымдастық мүшесі бар. Мені сол қауымдастықтың төрағасы етіп сайлады. Жыл сайынғы салық түсімі 90 млн теңгеден астам. Бұл қаржының бір бөлігі жалақы мен әлеуметтік нысандардың күтіміне кетеді. Оның ішінде саяжайлық оқушыларды мектепке тасымалдау да бар. Сондай-ақ, жақында Алға ауылында ауыз су мен жарық мәселесі көтеріліп, жергілікті қауымдастық өкілдері бірінші кезекте су жүйесін ретке келтіретін болып шешті. Оған қоса, артылған қаржыға көшелерді жөндеуден өткіземіз.

Бұл жүйе енді ғана басталып, дамып, жетілу үстінде. Әлі талай кем-кетігі түзетіліп, билік пен халыққа септігін тигізеді. Құдайға шүкір, қазір тұрғындар өз кетігін өзі жамайтын күнге жеттік. Меніңше, ауылдағы мәселелерді толықтай шешуді округтің құзырына беру керек. Біз қазір 100 млн теңгеге ағымдағы жұмыстарды жүргізудеміз. Жыл сайын бюджетіміз қомақты қаржымен толығып отырса, ауқымды проблемалардың да түйінін тарқатар едік. Олай дейтін себебіміз, бұқаралық ақпарат құралдарынан бір ауылға 900 орындық мектеп салып, ол жерде 200-300 бала білім алып жатқандығын немесе керісінше су жаңа мектепте оқушылар үш ауысымда оқитындығын көріп-біліп жүрміз. Егер осындай мәселелердің шешімін округ әкімдігіне тапсырса мұндай олқылықтар орын алмайтындығына сенімдімін. Ауылдың мәселесін жергілікті әкімдік пен қауымдастық өкілдерінен артық ешкім білмейді деп ойлаймын.

Жалпылай алғанда, жергілікті өзін-өзі басқару жүйесі дамудың сара жолына түскен еліміз үшін ауадай қажет. Осыны ескерген үкімет дәл уақытында демократиялық жүйені іске қосып, қазақстандықтарды ел басқару ісіне араластыра бастады. «Көш жүре түзеледі» деген даналық бар. Бұл бастама да уақыт өте келе жетіліп, кем-кетігі түзелетіндігіне сенім мол.

 

Аманбек ОСПАН:  «Әлі де түсіндіру жұмыстары қажет»

Қазіргі жағдайда қоғамымыздың тыныс-тіршілігін, халықтың талап-тілектерін, әр саладағы мекемелердің жұмысын жергілікті мемлекеттік басқару және өзін-өзі басқару органдары ұйымдастырып, бақылап отырады. Бұрыннан қалыптасқан мемлекеттік басқару жүйесі ретке келтірілген, заң талаптарына сәйкес арнайы мамандар арқылы елге қызмет етеді. Кейінгі заман талаптарына сай демократиялық үрдістерді ескере отырып, ел тіршілігіне халықты көбірек қатыстыру мақсатында жергілікті өзін-өзі басқару жүйесі қолға алынды.

Ол процесс ел ішінде жергілікті қоғамдастық құрылып, оның мүшелерінің қатысуымен жиындар мен жиналыстар арқылы қоғамдастықтың міндеттері мен құрамын анықтап, жергілікті маңызы бар мәселелерді округ әкімдеріне, жоғары бақылау органдарына жеткізу және округ бюджетіне түскен қаржының тиімді жұмсалуын қадағалау. Жергілікті қоғамдастық мүшелері жанынан комиссия құрылып, олар әкімдікке бөлінген қаражаттың мақсатты пайдалануына мониторинг жүргізуге қатысуы керек. Қоғамдастық мүшелері жергілікті әкімдік басшылығын, білім беру, денсаулық сақтау, қоғамдық тәртіп сақтау басшыларын тағайындауға ұсыныс енгізуге құқылы. Яғни, ауыл тұрғындары, жергілікті халық қоғамның тыныс-тіршілігіне мейлінше ықпал етуі керек. Бұл жұмыстарға округтегі ақсақалар алқасы, әйелдер кеңесі, қоғамдық кеңес, жастар ұйымдарының мүшелері белсене араласқаны жөн.

Елбасы Н.Назарбаевтың бастамасымен қолға алынған жергілікті өзін-өзі басқару жүйесінің мақсаты айқын – халықты билік ісіне араластырып, қоғамдық мәселелерді шешуде тұрғындардың рөлін арттыру. Десек те, бұл жүйені әлі күнге түсінбей жүргендер жеткілікті. Сондықтан, алдымен қарапайым халыққа жүйенің мақсат-міндеттерін аныөтап жеткізе білуіміз керек.

Ауылдық округтердің ел басқару тәжірибесінде әзірше жергілікті өзін-өзі басқару жұмыстары жоғарғы дәржеде емес. Бұрынғы мемлекеттік басқаруға үйреніп қалған басшылық мамандары қоғамды басқаруға бұқара халықты қатыстырудың жолын толық таба алмай жатыр. Бұл мәселені аудан көлемінде, бір округ мысалында бастан-аяқ қалай ұйымдастыру, қоғамдастық мүшелері араласатын басқару жұмыстарының түрлері, құқық шегі, осы жұмыстарға халықты тартудың практикалық жолдарын нақты көрсетіп, семинар, отырыстарды өткізу қажет. Бұл жерде ауыл әкімдерінің белсенділігі, білімділігі, халықты өзін-өзі басқару жұмысына қызықтыра білу қабілеттілігі қажет. Және бұл жұмыстар науқандық сипатта емес, аудан басшыларының бақылауымен тұрақты түрде, нақты нәтижелерге жеткенше жүргізілуі қажет.

Баспаға әзірлеген

Сардарбек НҰРАДИН.

 

Published in Саясат

– Құрметті Дәулет Дәркембайұлы, қолөнер шебері ретінде Елбасының «Рухани жаңғыру» бағдарламасына көзқарасыңыз қалай?

– «Мақсатымыз айқын, бағытымыз белгілі, ол әлемдегі ең дамыған 30 елдің қатарына қосылу. Мақсатқа жету үшін біздің санамыз ісімізден озып жүруі, яғни одан бұрын жаңғырып отыруы тиіс» деді емес пе Көшбасшымыз «Болашаққа бағдар: рухани жаңғыру» атты мақаласында. Меніңше, жаңа тұрпатты жаңғырудың ең басты шарты – сол ұлттық кодыңды сақтай білу. Онсыз жаңғыруды елестете де алмаймыз. Жаңғыру елдің ұлттық-рухани тамырынан нәр алады. Мұнда ұлттың рухани және материалдық мәдениетінің алар орны ерекше.

– Қазақтың қолданбалы өнерінің бірегей туындылары, материалдық мәдениетіміздің бай мұрасы «Ұста Дәркембай атындағы қолөнер музейінің»  қорында сақтаулы екенін исі қазақ біледі. Себебі, «ЭКСПО-2017» көрмесінде шеберлік сағаттарын көрсеткендеріңізді білеміз. Толықтырып айтсаңыз?

– Әлбетте, елімізде өткен «ЭКСПО-2017» Халықаралық көрмеде Алматы облысынан 20-дан астам қолөнер шебері қатысты. Шетел қонақтарына халқымыздың ұлттық өнерінің қыр-сырын тек көрмемен ғана емес, Сіз айтқандай жеке шығармашылық шеберлік сабақтарын өткіздік. Миллиондаған турис-тер ұлттық өнерімізге тәнті болды. «Рухани жаңғыру» бағдарламасы бойынша «Шеберлер қалашығы» атты шеберлік сабақтары Талдықорған қаласында да жалғасты.

– Талай турист тәнті болды дедіңіз, өздеріңіз де басқа мемлекеттерде ұлттық қолөнерімізді насихаттап жүрген азамат ретінде білеміз. Иранға да бардыңыздар ғой?

Иә, музей ашылғалы Халықаралық көрмелерде ұлттық өнерімізді барынша насихаттауда еңбектенудеміз.Иран еліне барғанда таңқалғаным, онда мемлекет бюджетін қолөнер шеберлерінің еңбегі құрайды екен. Яғни, халқының басым бөлігі қолөнермен айналысады. Сондықтан болар, дамуы әлдеқашан алға шыққан. Олардан үйренеріміз де көп. Ал бай мемлекеттердің қатарындағы Біріккен Араб Әмірліктерінде керісінше қолөнері кенжелеп қалған. Мұнда Мемлекет басшысы жыл сайын әр мемлекеттен қолөнер шеберлерін шақырып көрме, шеберлік сағаттарын көрсетуге қаражат бөледі. Онда шеберлер бір айдан аса уақыт болады. Мұндай мүмкіндіктер арқылы сол елдің басшысы халқының өнерге деген қызығушылығын оятпақшы. Халықтың рухани ой-өрісін дамытуды, рухани байлыққа кенелуді негізге алып отырған ел десе артық айтқанымыз емес.

– Елбасы өткен жылдың соңында «Ұлы даланың жеті қыры» мақаласын жариялады. Әркім өзінше үн қосты. Ал сіз қолөнер шебері ретінде мақалада айтылған ежелгі металлургияның даму тарихын жақсы білесіз. Темірден түйін түйген қазақ қолөнерінің атасы Дәркембай Шоқпарұлының ұлы ретінде не айтасыз?

– Нұрсұлтан Әбішұлы: «Металл өндірудің амал-тәсілдерін табу тарихтың жаңа кезеңіне жол ашып, адамзат дамуының барысын түбегейлі өзгертті. Сан алуан металл кендеріне бай қазақ жері – металлургия пайда болған алғашқы орталықтардың бірі. Ежелгі заманда-ақ Қазақстанның Орталық, Солтүстік және Шығыс аймақтарында тау-кен өндірісінің ошақтары пайда болып, қола, мыс, мырыш, темір, күміс пен алтын қорытпалары алына бастады. Ата-бабаларымыз жаңа, неғұрлым берік металдар өндіру ісін дамытып, олардың жедел технологиялық ілгерілеуіне жол ашты. Қазба жұмыстары барысында табылған металл қорытатын пештер мен қолдан жасалған әшекей бұйымдары, ежелгі дәуірдің тұрмыстық заттары мен қару-жарақтары бұл туралы тереңнен сыр шертеді. Осының бәрі ежелгі замандарда біздің жеріміздегі дала өркениеті технологиялық тұрғыдан қаншалықты қарқынды дамығанын көрсетеді» – деді.

Расында, халық шеберлерінің күнделік-ті тұрмыста пайдаланатын әр бұйымын өз қолымен жасап, кейінгі ұрпаққа ол сарқылмас өнер, ал бұйым асыл мұра екенін анықтап беріп отырғандай. Ежелден металл өңдеуде қолданылатын әдіс-тәсілдер мен қолданған құрал-жабдықтар бүгінгі күні атадан балаға мирас ретінде жетіп отыр. Алысқа бармай-ақ, өзім меңгерген ұсталық өнер түп аталарымыздан таралған қасиет. Бабамыз Шоқпар кезінде ұсталық өнерімен Жетісуға белгілі болса, әкеміз Дәркембайды халық біледі. Әкеміздің қанатының астынан түлеп ұшқан, яғни өнерін үйреніп, қазіргі таңда өз шәкірттерін тәрбиелеп жүрген қаншама шеберлер бар.

1960 жылдары ұсталар қолданатын әдіс-тәсілдер, бір сөзбен айтқанда қолданбалы өнер технологиясы қайта түлегендей болды. Ұстамыз тек темірмен жұмыс жасайтын шебер ғана емес, сонымен қатар қоламен, мыспен, жезбен де жұмыс жасады, сонымен қатар зергер, тері, ағаш өңдеу шебері болған. Қазіргі уақытта әке аманатын жалғап келе жатқан жайымыз бар.

– Ұстаз еңбегі шәкіртімен бағаланады емес пе?

– Әлбетте, ұстазымыз «Өз үйренгеніңді тағы жүз адамға үйрет» дейтін. Ол шебердің өмірлік мақсаты болатын. Ал қазір ойлап қарасақ оның мәні мен мағынасы өз сипатын тапқандай. Халықтың халық, ұлт болып қалыптасуының негізі, дамыған елдер қатарынан орын аламыз деп ұмтылған еліміздің бұл қадамы құптарлық бастама. Олай дейтін себебім, қабылданған «Рухани жаңғыру», «Ұлы даланың жеті қыры» бағдарламаларының негізі – халқымыздың ұлттық болмысымен, оның бай мұрасымен сипатталып отыр. Ал қазір  мұражайымызда жұмыс істейтін әрбір маман тың өнер иелері. Олар Талдықорған қаласындағы Жетісу мемлекеттік университетінен, Алматы қаласындағы Т.Жүргенов атындағы өнер академиясынан, Есік қаласындағы гуманитарлық-экономикалық колледжінен және тағы басқа да облыстардың  оқу орындарынан келген студенттерге, оқушыларға шеберлік сабақтарын көрсетіп, дәрістер оқиды. Қызығушылығы бар, үйренемін деген жастарғашеберлердің құшағы ашық.

– Ұлттық қолөнерді дамытудағы алдағы жоба-жоспарларыңызбен бөлісе отырсаңыз?

– Қазақ қолөнері елімізде жан-жақты дамып келеді. Әйткенмен, барынша қолдауға мұқтаж. Себебі, шеберлер санын көбейту қажет. Ол дегеніміз – қолөнерге жастарды баулу. Биыл Жастар жылы, осыған орай музей жанынан «Шеберлер орталығы» және «Қолөнер мектебін» ашсам деген үлкен арманым бар. Әрине, оған мемлекет қолдауы аса маңызды. Қазіргі уақытта ұстаздар дайын, шеберхана да бар. Тек еліміздің түпкір-түпкірінен келетін жастарға жатақхана мәселесі өзекте боп тұр. Осыған билік қолдау көрсетсе, қазақ қолөнерін дамытуға жасаған риясыз қамқорлық болар еді.

Халық дәстүріндегі мал шаруашылығы, ауыл шаруашылығы және ұсталық, қолөнерінің тарихта алар орны ерекше. Ал тарих үнемі өзгереді. Осы тарих толқынында қолөнері барынша қолдау тауып еліміздің ұлттық кодының біріне айналатынына сенеміз.

Әңгімелескен

Қайнар ЖҰМАҒОЖА.

Published in Жастар
Бейсенбі, 07 Ақпан 2019 15:48

Татулық – біздің тұғырымыз

Бір  шаңырақтың  астында  ұзақ  жылдар  бойы  130-ға  жуық  ұлт  өкілдерінің тату-тәтті  өмір сүруі – мемлекет  басшысы  Нұрсұлтан  Назарбаевтың бірлік пен тұрақталықтың сақталуына ерекше мән  беруінде. Мұны  Елбасының халыққа арнаған Үндеулерінен де  байқауға  болады. Осының  нәтижесінде, бүгінде елімізде ұлттар мен этностар  арасында достық орнап, олардың ауызбірлікте өмір сүруі және  әртүрлі діндер  арасында  түсіністіктің  орнауы берік қамтамасыз етілуде.

Өткенді ұмыту – ол тарихты ұмыту. Сондықтан, өткенге біраз көз жүгіртсек.   Сталиндік режимнің қатал кезеңінде саясаттың түпкі мақсаты өзге ұлт өкілдерінің көзін жою  еді. Олар  алыс шалғайдағы мекендерге жер аудартып, өлімге итермеледі. Бірақ  қазақ халқының  адамгершілік пен кішіпейілдігінің арқасында осы ұлттар мен  ұлыстар аман қалып, ұрпақтарын жалғастырды. Қазақстанның кең-байтақ жерін  игеріп, тың және тыңайған жерлерге түрен салып мыңдаған жастар Қазақстанды өз Отанына айналдырды. Тәуелсіздіктің  алғашқы  жылдары  әр ұлттың  алдында үлкен таңдау: Қазақстанда қалу  немесе басқа елге  кету деген ой тұрды. Бірақ «Өзге елде сұлтан болғанша, өз еліңде ұлтан бол» демекші, барлық өзге ұлт өкілдері  біздің  Отанымыз – Қазақстан деген ұранмен таңдауларын жасады. Тәуелсіздік  алған кезеңнен  күні бүгінге дейін мемлекет үшін ең маңызды ұлтаралық татулық, конфессияаралық келісім, өзара түсіністік пен тұрақтылық, достықты ту етіп өмір сүрудеміз. Қазақстан Республикасы барлық ТМД елдеріне үлгі. «Достық пен татулықтың» моделіне айналды. Ұлтаралық қатынас мәдениетін қалыптастыру – Қазақстанда ұлттық қатынастар дамуының жоғары деңгейінің көрінісі болып табылады. Күрд мәдени орталығының негізгі мақсаты – жас ұрпақтың бойына Қазақстандық патриотизмді сіңіру. Қазақ елінің әдет-ғұрыптарын  насихаттау. Осы орайда күрд мәдени орталығының басшыларымен бірігіп ауданымызда орналасқан Ақбастау, Әймен, Қарасай, Бөлек, Түрген, Бәйдібек би, Көктөбе ауылдарында тұратын тұрғындарымен үгіт-насихат жұмыстары жүргізілуде. Ауыл ақсақалдарымен бірігіп түрлі кездесулер өткізіледі. Олар келешек ұрпақты Отанды сүюге және өз елінің нағыз патриоты етіп тәрбиелеуде бағыт-бағдар беріп отыр. Ауданымызда тұрғындардың еркін өмір сүруіне барлық жағдайлар жасалған. «Балапан» бағдар-ламасын іске асыру аясында балабақшалар, заманауи  мектептер, аурухана, халыққа қызмет көрсету орталықтары ашылып, шалғай ауылдарда тұратын балаларды оқумен қамтамасыз ету мақсатында тасымалдау ұйымдастырылған. Сондай-ақ, құқық қорғау органдарының қызметкерлері де талмай еңбек етіп келеді. Күрд мәдени орталығы да бұл тұрғыда зор жауапкершілікті сезіне отырып, жұмыс жасауда. Қазақтың біртуары Жамбыл Жабаев: «Жігерлі болса,ер болар. Бірлігі болса, ел болар» деп тегін айтпаған. Осы ұстанымдағы күрд  мәдени  орталығы  ауданындағы ұйғыр, татар, түрік, славян, шешен мәдени орталықтармен тығыз қарым-қатынаста. ҚР Президенті Нұрсұлтан Әбішұлы Назарбаевтың «Татулық пен тұрақтылық» бағытын басшылыққа алып нәтижелі жұмыстарға ұмтылудамыз. Елбасы жариялаған «Жастар жылы» біздің орталыққа да тың серпін берді. Саламатты өмір салтын насихаттау бағытында түрлі жұмыстар жүргізіліп, спорттық жарыстарда бақ сынауда жас спортшыларымыз. Атап айтсақ, еркін күрестен Сулейман Исаев әлемдік деңгейде бағын сынаса, Мажит Сардаров республикалық, облыстық сайыстардың жеңімпазы. Жастарымыз зиянды әдеттерден аулақ, білімге құштар.

Н.Надыров,

күрд мәдени орталығының төрағасы.

Published in Саясат

2017-2019 жылдар аралығында жер-су, елді мекен, өзен-көл, мекеме мен көшеге қайта берілген атаулар тәуелсіз мемлекетіміздің бет-бейнесі, мемлекеттік идеологияның бір тірегі, тұнып тұрған саясаты әрі мәдениеті мен рухының терең тамыры. Ендеше, ескі атауларды қалпына келтіру – тарихи әділеттілікті орнату деген сөз.

Ауданның өзінде кейбір көшелер коммунизм көсемдерінің есімдерімен, жер мен елдің тарихына еш қатысы жоқ адам аттарымен аталып, бұрмаланып келген болатын. Мысалы, Асы ауылдық округіне қарасты Қайрат ауылының аты бұрмаланып, көп жылдан бері «Гайрат» деп аталып келді. Тек ауылдың аты ғана емес, ауылда орналасқан дәрігерлік амбулаторияның да маңдайшасында «Гайрат» деп жазылып келген. Сонымен қатар, Ипархан, Сабыр, Палуан сияқты халыққа белгісіз адам аттары да дәстүрлі атауларға өзгертіліп, жаңа қырынан танылды.

Ауданда атқарылған ономастикалық жұмыстар арқылы тұрғындар арасында ортақ тарихи сана қалыптастыруға ықпал ету тұрғысынан 19 көшеге тарихи тұлғалардың – Төле би, Әйтеке бидің, Абылай ханның, Райымбек батыр мен Наурызбай батырдың, батыр қыздарымыз Әлия Молдағұлова мен Мәншүк Мәметованың, ұлы ұстаз Ыбырай Алтынсаринның, сонымен қатар Қайрат Рысқұлбеков, Рақымжан Қошқарбаев, Евгений Брусиловскийдің есімдері берілді.

Қаратұрық ауылдық округі-не қарасты «Мелиоратор» ауылының атауы «Арна» ауылы деп өзгертілді. Ауыл үлкен Алматы каналының арнасы жанында орналасқандықтан, Арна ауылы деп аталуын ауыл тұрғындары бірауыздан орынды деп тапты. Лавар ауылындағы «МТФ» көшесін «Қайнар бұлақ» деп өзгертуімізде де үлкен сыр жатыр. «Бұлақ көрсең, көзін аш» деп қазақ халқы бекер айтпаса керек. Көшенің басталартұсында жылтырап ағып жатқан бұлақ көзін қасиет тұтып, көше тұрғындары көшеге атау беруде ерекшелігіне тоқталған.    

Қуаныштысы, мұндай жұмыстардың қатары аз емес.

Аудан орталығы Есік қаласында орналасқан аудандық мәдениет үйіне Тұманбай Молдағалиевтың есімі берілсе, Есік қаласындағы жастар саябағы да Жамбыл Жабаевтың есімін иеленді.

Көп жылдардағы жіберілген кемшіліктерді жою мақсатында ҚР Президенті Әкімшілігі «Тарихи тұл-ғалар», «Дәстүрлі атаулар» және «Тарихи жер-су аттары» тізімдерінің өзектендірілген нұсқаларын ұсынды.

Көрсетілген нұсқаларды ескере отырып, жұмыс жасау талап етілді. Нәтижесінде, идеологиялық тұрғыда ескірген 396 көшенің бір жарым жылда 264-і дәстүрлі және тарихи атауларға ие болды.

Бұл «Атамның атын ауылға, көкемнің атын көшеге» деген тар пиғылдан арылып, келешекті ойлау болып табылады.

Алайда, аудан бойынша әлі де бір ізге түсіріп, реттеуді қажет етіп тұрған 128 көше бар. Ендігі жерде қалған көшелерге ортақ тарихи сана қалыптастыруда ұлттық танымға жақын атаулар беру – біздің келесі көздеген мақсатымыз.

Жоғарыда аталған жұмыстарға ұйытқы болып, бағыт беріп отырған аудан әкімі Бинәлі Әбдіқапасұлына, әрдайым қолдай отырып, дұрыс сын айта білген мәслихат депутаттарына және аудан тұрғындарынаүлкен алғысымызды білдіреміз.

Дәстүрлі атауға ие болған көшелер Алматы облысының Әділет басқармасына тіркеу үшін, ауылдық округ әкімдерінің шешімдері дайындалуда. Осы орайда, Ават, Бартоғай, Қырбалтабай, Түрген және Рахат ауылдық округтері әкімдерінің шешімдері Әділет басқармасымен келісіліп, 62 көшеге жаңа атаулар дер кезінде беріліп, көше аншлагтары ауыстырылғандығын айта кеткен жөн.

Яғни, бұл, ауылдық округ әкімдері мен ономастика саласына жауапты мамандардың ауыл белсенділерін ұйымдастыра отырып, көнекөз қариялардың басын қосып, көше тұрғындарына түсіндіру жұмысын тынбай белсенді жүргізуінің нәтижесіндегі жемісі.

Алайда, бірнеше жыл қатарынан ауданымызда кездесетін ономастикалық атауларды ретке келтіру, идеологиялық тұрғыдан ескірген және қайталанатын атауларды тарихи және ұлттық танымға жақын атауларға алмастыру жұмысы көптен бері ұсынылып келе жатқанына қарамастан,кейбір округтер аталған шараны орындауда асығар емес.

Елбасымыз  Нұрсұлтан Әбішұлы Назарбаевтың құндылықтарымызды құрметтеуге шақырған «Болашаққа бағдар: рухани жаңғыру» атты бағдарламалық мақаласында: «Жаһандық заманда алға басу үшін ұлттың дамуына кедергі болатын өткеннің кертартпа тұстарынан бас тарту керек» деп жазған еді. Ата-бабамыздың ақ найзаның ұшымен, ақ білектің күшімен қорғап қалған туған жеріміздегі ұлттық атауларды болашақ ұрпаққа мирас ету – біздің парызымыз.

С.БЕСПАЕВА,

аудандық мәдениет және тілдерді дамыту

бөлімінің басшысы.

Published in Саясат
Бейсенбі, 07 Ақпан 2019 15:39

Қаңтардағы сынақ көпке сабақ

Жуырда Есік қаласындағы Райымбек батыр атындағы мектепте орналасқан ұлттық бірыңғай тест өткізу пункінде (ҰБТӨП) Еңбекшіқазақ және Талғар аудандары мектептерінің техникалық хатшыларымен және аталған екі ауданда орналасқан колледждердің бітірушілерімен жұмыс  атқаратын өкілдерімен ақпараттық жиын өткізілді. Жиында 2018-2019 оқу жылындағы «ҰБТӨП базасы» деректер базасын қалыптастыру және наурыз айында өткізілетін ҰБТ-ны ұйымдастыру және өткізу туралы мәселелер қарастырылды. ҰТО-ның Есік қаласындағы филиалының басшысы К.Қасымова  аталған мәселелер бойынша толық мағлұмат берді.

Бұл жүйе мектеп бітірушілерге берілген зор мүмкіндік. Әйткенмен мемлекеттік грант сарапқа түсетін сәт – маусым-шілде айларында өтеді. Ал қаңтар немесе наурызда тест тапсыру – маусым-шілдеде бағын сынауға шектеу болмайды.

Жиынға қатысқан Еңбекшіқазақ ауданық білім бөлімінің маманы, мемлекеттік комиссия мүшесі  А.Тортаева  қаңтарда өткізілген ҰБТ-ның мектеп бітірушілерге өте жақсы сабақ болғанын, наурыз айындағы тестке бітірушілердің мүмкіндігінше толық қатысып, өз білімдерін тексеріп көруіне  ешкімнің шек қоюға құқығы жоқ екеніне тоқталды.

Айта кетейік, наурыз айында өтетін ҰБТ-ға ақпан айының бірінен бастап кесте бойынша Есік қаласында орналасқан тестілеу пунктінде арыздар қабылданады. Тестілеу республика бойынша 24-29 наурыз аралығында өткізіледі.

Жиын соңында қатысушылар өз ойларын ортаға салып, сұрақтарына  жауаптар алды.

 Өз тілшіміз.

Published in Жастар
Бейсенбі, 07 Ақпан 2019 15:35

«Developmentday» семинары

«100 нақты қадам» – Ұлт жоспарында айтылған «Цифрлық Қазақстан» бағдарламасын және Жолдау жүктеген міндеттерді іске асыру аясында Қазақ-стан Республикасы Президентінің жанындағы мемлекеттік басқару академиясы Алматы облысы бойынша филиалының ұйымдастыруымен қалалық әкімдікте электронды мемлекеттік қызметті дамытуға арналған «Developmentday» атты семинар өтті.

Семинарға ҚР мемлекеттік қызмет істері және сыбайлас жемқорлыққа қарсы іс-қимыл агенттігі Алматы облысы бойынша департаментінің өкілдері, «Жетісу – адалдық алаңы» жобалық кеңесінің мүшелері, ҚР Президентінің жанындағы мемлекеттік басқару академиясының Алматы облысы бойын-ша филиалы қызметкерлері және қаламыздағы мемлекеттік мекемелердің басшылары мен мамандары қатысты.

Баршаға белгілі, Елбасының тапсырмасына сай бүгінде елімізде цифрлық дамуға барынша мән берілуде. Себебі, өркениетті елдер ақпараттық технологиялардың жетістіктерін өндіріс пен қызмет көрсету салаларында кеңінен пайдаланып, аз уақытта үлкен жетістіктерге қол жеткізуде. Яғни, цифрлық технология бүгінгі заманауи дамудың жетекші күшіне айналуда. Дамыған 30 елдің қатарынан орын алуды бұлжымас мақсат еткен еліміз бұл үдерісте өз орнын айқындады.

Қазір елімізде халыққа көрсетілетін мемлекеттік қызметтер біртіндеп электронды форматқа көшірілуде. Бұл азаматтардың уақытын үнемдеуде, қызметтің сапасын арттыруда, сондай-ақ, сыбайлас жемқорлықтың алдын алуда маңызды мәнге ие.

«Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауында Елбасы жемқорлықты тудыратын басты себептер мен күресте мемлекеттік қызметшілердің тұрғындармен тікелей қарым-қатынасын азайту, атап айтқанда, 2019 жылы көрсетілетін мемлекеттік қызметтердің 80 пайызы, ал 2020 жылы кемінде 90 пайызы электронды форматқа көшірілуге тиіс деп атап көрсетті. Сондықтан, ең алдымен, мемлекеттік қызметшілер әртүрлі сала бойынша әзірленген цифрлық бағдарламаларды жетік меңгеруі, оны шебер пайдалана алуы, сол арқылы тұтас қоғамды осы үдеріске бастай білуі тиіс.

Осы мақсатта өткізілген семинарда алдымен Мемлекеттік басқару академиясының мемлекеттік қызметшілерді ақпараттық технология бойынша оқыту жүйесі таныстырылды. Содан соң мамандар мемлекеттік қызметтердің электронды нұсқасы және халыққа осы жүйе бойынша қызмет көрсетудің қыр-сырын мемлекеттік қызметтің атмосферасы, идеяларды дамыту және өзгерістерді басқару секілді арнайы дайындалған этаптар бойынша жан-жақты түсіндірді, сондай-ақ, тыңдаушылар тарапынан қойылған сұрақтарға  жауап берді.

 Ақан ЫРЫМЖАНҰЛЫ.

Published in Саясат
Бейсенбі, 07 Ақпан 2019 15:25

«DIGITAL AGENT» қосымшасы - уақыт талабы

Мемлекеттік қызметтер сапасын арттыру мақса-тында А.Бертаева атында-ғы орта мектебінде Қа-ратұрық ауылдық округі әкімі аппаратының ұйымдас-тыруымен мемлекеттік қызметтер жәрмеңкесі және «Digital agent»  қосымшасын жүктеу туралы  презентациясы өткізілді.

Жәрмеңкеде аппарат мамандары көрсетілетін  мемле-кеттік қызметтер туралы  және мемлекеттік қызметтерді электронды түрде алу барысын көрсетіп, түсіндірді. Сонымен қатар, Қаратұрық ауылдық округі аумағында «EGOV–электрондық үкіметі» порталы арқылы берілетін «Өзіне өзі қызмет көрсету бұрышы» әкім аппаратының ғимаратында,  ауылдық округтегі А.Бертаева атындағы, А.Саттаров атындағы, Ш.Уәлиханов атындағы, С.Аман-жолов атындағы орта мектептерде және «Балдырған», «Алтын-Ай», «Өркен-1» бала-бақшаларында орналасқан-дығы айтылды. Сонымен бірге, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің бастамасымен «Цифрлы агент» (Digital agent) мобильді қосымшасы іске қосылғаны, аталған мобильдік қосымшаны Play Market және App Store сервистері арқылы жүктеуге болатыны және «DIGITAL AGENT» қосымшасының артықшылығы – қызмет алушылар шынайы уақытпен мемлекеттік қызмет көрсету сапасына баға беруге болатыны туралы түсіндірілді. Жәрмеңкеге қатысқан ауыл тұрғындарына мемлекеттік қызметтер көрсету туралы брошюралар таратылды.

Г. Кабулова,

Қаратұрық ауылдық

округі әкімі аппаратының  бас маманы.

Published in Санаты жоқ
Бейсенбі, 07 Ақпан 2019 15:13

Ұтыс иелері анықталды

Өткен аптада «Еңбекшіқазақ» газетінің 1 жылға жазылған оқырмандары арасында қалалық әкімдіктің мәжіліс залында ұтыс ойындары ойнатылды . Шараға газет оқырмандары қатысып, ұтыс тиражының әділетті өтуінің куәсі болды.

Түрлі тұрмыстық техникалар ойнатылған лотореяның бас жүлдесі «Плазма теледидары» асысағалық ұлағатты ұстаз Рита Алиеваға бұйырды. Қызық болғанда, жеңімпазымыздың сол күні туылған күні екен. Қуанышты сәтінде бағалы сыйлыққа ие болған оқырманымыз газет ұжымына алғыс айтып, жұмыстарына сәттілік тіледі.

Сонымен қатар, белгілі себептермен ұтыс ойындарының өтуіне қатыса алмай, сыйлыққа ие болған газет оқырмандарының аты-жөні мен мекен-жайын төмендегі кестеде жариялап отырмыз. Ұтыстарыңызды Есік қаласы, Алматы көшесі, 112 үйден (Қалалық әкімдіктің 2-қабаты) келіп алсаңыздар болады). Тел: 4-19-31.

 

ЕСКЕРТУ: Жеңімпаздар пошта бөлімшесінен берген түбіртекті (квитанция)міндетті түрде алып келуі тиіс.

Ұтыстың атауы

Жазылушының аты-жөні

Мекен-жайы

1

Теледидар

Алиева Рита

Асысаға, Кенжебаев к-сі

2

Шаңсорғыш

Алмабекова Майра

Тескенсу, Тоқбаев к-сі

3

Қысқатолқынды пеш

Мурадова Д.

Саймасай, Пащенко к-сі 36

4

Пеш (Духовка)

Исатаева Роза

Есік, Амангелді к-сі

5

Эл. еттартқыш

Жарылкасымов Н.

Рахат, Қожабай к-сі 9

6

Эл. еттартқыш

Орақов Қазақбай

Алмалы

7

Эл. шәйнек

Жаркимбаева

Есік, Астана к-сі 126

8

Эл. шәйнек

Шамшиева Гулинур

Еңбек, Жадраева к-сі 2

9

Эл. шәйнек

Идрисова Б.

Масақ, Рысқұлов к-сі 20

10

Эл. шәйнек

Қожагелдиева М

Ж.Қайыпов, Дарханбаев к-сі 24

11

Эл. шәйнек

Аугамбаев Авалхан

Асысаға, Бижанов к-сі

12

Үтік

Оспанқызы Қалипа

Толқын

13

Үтік

Жакипова С.

Есік, Әуезовк-сі 26

14

Үтік

Мұхамедиева Т.

Бәйдібек би, Оразбековк-сі 88

15

Үтік

Тажметова

Таутүрген

16

Үтік

Искаков Туглук

Ташкенсаз

17

Шаш кептіргіш (Фен)

Кавашев Ф.

Шелек, Усеновк-сі 67

18

Шаш кептіргіш(Фен)

Абикенов Естай

Асысаға, Жұмабаевк-сі 5

19

Шаш кептіргіш(Фен)

Сұлтан Айдана

Достық, Аубакировк-сі

20

Шаш кептіргіш(Фен)

Муналбаев Б.

Тауқаратұрық

21

Шаш кептіргіш(Фен)

Попова

Есік, Луговая к-сі 10 «В»

22

Миксер

Шарғынова Н.

Бәйдібек би, Байболов  к-сі 244

23

Миксер

Хуаныш Т.

Есік, 1 мкр 10 үй, 26 пәтер

24

Миксер

Мусабекова Н.

Алмалы, Әуезов к-сі 2/2

25

Блендер

Сарсебаева Салтанат

Тескенсу,  Керейбаев к-сі

 

Published in Мақалалар
Page 1 of 2

Күнтiзбе

« Ақпан 2019 »
Дс Сс Ср Бс Жм Сн Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама