Күндер бойынша реттелген элементтер: Бейсенбі, 14 Наурыз 2019

«Жылқыны қолға үйрету арқылы біздің бабаларымыз өз дәуірінде адам айтқысыз үстемдікке ие болды. Ал, жаһандық ауқымда алсақ, шаруашылық пен әскери саладағы теңдессіз революцияға жол ашты. Жылқының қолға үйретілуі атқа міну мәдениетінің де негізін қалады. Бес қаруын асынған салт атты сарбаз айбарлы көшпенділер империялары тарих сахнасына шыққан дәуірдің символына айналды». ҚР Президенті Нұрсұлтан Назарбаев «Ұлы даланың жеті қыры» атты мақаласында осылай деп атқа міну мәдениетіне ерекше тоқталып өтті. Жалпы, тақымы атқа тиген қазақ әр уақытта арқаланып, әруақтанып, қиялына қанат бітіп шабыттанып, қуат қосып қайраттанатыны тағы бар. Сондықтан мінсе – көлік, сойса – соғымы болатын жылқыны халқымыз төрт түліктің төресі деп ардақтайды. Табиғатына қарай үш топқа бөлген. Бәйгеге қосатын жүйрік жылқыларды тұлпар, арғымақ, сәйгүлік деп әлпештеп, ерекше күтімге алса, ауыр жүк артуға, алыс жолға төзімді жылқыны қазанат деп қадір тұтқан. Ал, еті мен сүті үшін өсіретін қалған жылқыларды жабы атаған. «Бабы келмеген жүйріктің бағы байланады» демекші, қай істе болмасын еңбек пен төзімділік және тынымсыз жұмыс астасқанда ғана белгілі бір нәтиже шығары анық.

Қазақ күресінен спорт шебері, спорт ардагері, атбегі, жетпістің желкенін тартқан Саматов Аманбек Фазылұлы да денсаулығының мықты әрі дене бітімінің қалыпты болуының сырын – атқа жақын болғандығынан дейді. «Ерте жасымнан атқа отыруға құмар болдым. Жылқы малының жанынан шықпай, түр-түрін көріп, баптадым. Спортқа икемдігім де атқа отырғаннан бастау алған болар. Қазақ күресінің қыр-сырын ұғынып, талай мәрте жарыстардың жүлделі орындарынан көрініп, еңбегіме тиесілі марапаттарымды да алдым. Кейіннен қазақ күресінен жаттықтырушы болып, білгенімді жас ұрпаққа үйретуге тырыстым. Аудандағы спорт комитетінде жүргенде атқа отыру, ат баптау мәселелеріне қатты көңіл бөлдік. Бұл бастаманы сол кездегі аудан басшылары да қолдап, біздің аттарымыз жүлделі орындарды қанжығаға байлап отырды. Бір қызығы, сол кездерде біздің аудан көпұлтты, қазақилыққа қатты ден қоймаған тұрғындардан құралған еді ғой. Жарыстарға шығып, бәйге, көкпар сынды ұлттық ойындардан ауданымыз алдыңғы қатардан көрінгенде, өзге аудандар расымен таң қалған-тын. Ұлттық өнердің ошағы сіздерде екен ғой деп, тәжірибемізге тәнті болған. Жалпы, Елбасының өзі қолдап отырған атқа отыру мәдениеті, ат баптау өнері – қай кезде де қолдауға ие болып жүр. Ауданымызда бәйгелері бәрін шаң қаптырып жүрген атбегі жігіттер бар. Негізінен, атқа отырған адам біледі, сезеді – жылқы жүрісінің өзі түрлі дертке ем әрі пайдалы екенін. Ал, қымыздың шипасын бізден бұрын да, кейін де айтып, жазып дәлелдеп қойған. Атқа мінгенде басқа әлемге енгендей боласың. Маңдайыңнан сипаған самалдың өзі ат үстінде отырғанда бар күйбеңді ұмыттырады. Бабаларымыздан жалғасып келе жатқан бұл өнерді бұзбай ұрпаққа аманат ете алуымыз керек», – дейді ауданның құрметті азаматы. Аманбек аға. Бүгінгі таңда зейнеткер болса да ешбір жылқы малына қатысты шаралардан тыс қалмайтын Аманбек Фазылұлы ұлдарының да спорт саласында әрі жылқы малының төңірегінде жүргендерін жеткізді. Немерелерін де солай тәрбиелеп жатыр екен спорт ардагері.  

Р.S. Бөгенбай батыр өзінің Нарқызыл атын 18000 жылқының ішінен таңдап алып, онымен неше жүз рет жау қамалын бұзып, атағы әлемге жайылып, «Қазақтың бас батыры» атанған. Ал, Жәнібек батырдың Көк тұлпарын нағашы атасы Қазыбек би ол амандаса барғанда, жиенін көріп, ерлігі мен серілігіне көңілі толған соң, қалың жылқысын алдынан айдап өткізіп: «Ал, балам, жоңғар шапқыншыларына қарсы соғыста мінуіңе жарайтын ат таңдап ал» деп, Жәнібектің қолына арқан бергенде көркіне көз сүрінердей сүйегі өзге жылқылардан бөлек біткен бір көк дөнен ұстап алған. Кейін сол көк дөнен нағыз тұлпар болған. Жәнібек сол көк тұлпарымен жоңғарға қарсы шешуші шайқастарда ерен ерлік көрсетіп, ханның оң жағынан орын алған. Қазақ халқының ат сыншылары мен атбегілері өте зерек, ерекше көреген болады. Мысалы, Алпамыстың Байшұбары алғашында ешкім көзге ілмеген, қалың жылқы ішінде жүрген қотыр тай болатын. Ал, Қобыланды батырдың Тайбурылын өз ғашығы Құртқа сұлу немере ағасы Сәлімбайдың көк ала биесінің ішінде жүргенде көзі түсіп, оны қолқа салып сұрап алып, құлын кезінен бас-тап баптап, Қобыланды батырға жан серік ат қылып береді. «Ер қанаты – ат» дейтін халқымыз жылқы малына деген ерек құрметін мәңгі жоғалтпақ емес. Қазақ барда атбегілік, ат баптау өнері де өлмек емес.

Алмагүл НҰҒМАН.

 

Published in Мақалалар
Бейсенбі, 14 Наурыз 2019 20:35

Қайырымдылық – қанда бар қасиет

Жас болса да бас болған Қаракемер округінің әкімі Дархан Ахметов шұғылалы көктемді қайырымды қарекетімен бастады. 8 наурызда Қаракемер, Сатай, Талдыбұлақ ауылдарындағы «Алтын алқа», «Күміс алқа» және аз қамтылған аналардың алғысын арқалады. 55 алтын құрсақтыларға азық-түлік себеттерін табыстап, мерекесімен құттықтады.

Келелі іс-шара барысында округ әкімі аудандық мәслихат депутаттары Ж.Жылқыбеков, Қ.Жұмағожа, Қ.Орымбетов атын-дағы орта мектеп директоры Ш.Қалықовамен бірге әр отбасына арнайы барып, жағдайларын білді. «НұрОтан» партиясының XVІІІ съезінде партия төрағасы, Елбасы Н.Назарбаевтың әлеу-меттік саланы жан-жақты қолдау бойынша берген тапсырмаларын түсіндірді. Кейіннен сый-сияпатын табыстап, алғысын арқалады.

– Бұл шараны ұйымдастыру-ды ғана қолыма алдым. Ал округ жанашыры ретінде жомарт жүрек азаматтарымыз кәсіпкер Ж.Жалғасбаев, «Төрежайлау» ЖШС басшысы Б.Телеуов және «БиоТаужер» ЖШС басшысы Н.Таванова демеушілік көрсетті. «Жұмыла көтерген жүк жеңіл» демекші, осы аты аталған азаматтарға алғысымды білдіремін, – дейді Дархан Ахметов.

                                                                                                                  ***       ***       ***

Қара жерге нәр берген көктемнің шұғылалы күнінде сәбиін тоғыз ай құрсағында, екі жыл кеудесінде, ғұмыр бойы жүрегінде көтерген абзал аналар мерекесі. Осынау сәтте аудандық мәслихат депутаты, «Ауыл» партиясы аудандық филиал төрағасы Болатжан Нұрбеков жеті ананың алғысын арқалады, ақ батасын алды.

Қайырымдылық шеңбе-рінде өткізілген кездесу барысында Болатжан Саймасайұлы қарт аналардың үйін аралап, арнайы мерекелік сыйлықтар үлестірді. Жағдайларын біліп, мұң-мұқтажын жазып алды. – Бұл тек мереке қарсаңындағы сылтау ғана. Басты мақсатым, абзал аналарымыздың жағдайын көзіммен көру, мерекелік көңіл-күй сыйлау еді, – дейді депутат.

Өз тілшілеріміз.

Published in Мақалалар
Бейсенбі, 14 Наурыз 2019 20:29

Старейшим матерям – за сто

Накануне 8 Марта сотрудники районного филиала партии «Нұр Отан» и представители местных акиматов  поздравили с Международным женским днем старейших жительниц района, которые отметили вековой юбилей.

Таких бабушек и прабабушек, преодолевших вековой рубеж, в районе на сегодняшний день проживает  шестеро. В Есикском регионе: Балаханим Байрамова в г.Есике, Шорят Азизова и Анар Абрахманова в с.Коктобе; в Шелекском регионе: Турахан Токеева  в с.Шелек, Алва Ахматбаева в  с.Кызыл Шарык, Бубихан Умиралиева в с.Корам.

 Нуротановцы посетили долгожительниц на дому, вручили цветы и подарки, и надели на них белые платки – символ признательности и глубочайшего уважения. Ведь каждая из них  – многодетная мать, взрастившая родовое древо из десятков внуков, правнуков и праправнуков.

И.ВИКТОРОВ.

 

На фото: Балаханим апа Байрамову приехали поздравить консультанты районного филиала «Нұр Отан» Багдат Рахимов и Кундыз Дарбаева, аким г.Есика Бауыржан Бименов.

Published in Мақалалар
Бейсенбі, 14 Наурыз 2019 20:26

Сэнсэй и его чемпионы

«JIU-JITSU» - один из молодых видов спорта, но за короткое время он нашел своих поклонников по всему миру и сейчас активно развивается в Казахстане. Этот вид боевых искусств также очень популярен и у нас в районе. Дети нашего района все больше и больше интересуются этим видом спорта. В 2014 году в селе Ават  открылся спортивный клуб «Zr team», основателем и тренером которого является Леонид Юсупов. Сэнсэй Леонид –  мастер спорта СССР, чемпион СССР, участник чемпионатов мира. На протяжении многих лет он обучает детей джиу-джитсу, его воспитанники  радуют своими достижениями. За короткий срок существования клуба тренер со своими учениками достигли отличных  результатов.     

Лаура Шарипова  –  чемпионка областных турниров, чемпионка области, бронзовый призер  чемпионата Республики Казахстан.  

Мирзалим Турсунов – чемпион области, бронзовый призер чемпионата Республики Казахстан, неоднократный чемпион республиканских турниров. 

Мугдан  Джамалдинов – четырехкратный чемпион области, двукратный чемпион Казахстана, бронзовый призер чемпионата мира в ОАЭ (Объединенные Арабские Эмираты), чемпион международных и республиканских турниров. 

Айым Рамазан   – кандидат в мастера спорта РК, трехкратная чемпионка Казахстана участница чемпионата мира в ОАЭ, чемпионка международных и республиканских турниров. Выиграв чемпионат Республики Казахстан, проходивший  с 15 по 18 февраля в городе  Усть – Каменогорск, она получила путевку на чемпионат мира, который будет проходить в Афинах  (Греция)  с 20 по 28 марта.

Выражаем огромную благодарность Леониду Юсупову за большой вклад воспитание подрастающего поколения, желаем его ребятам в дальнейшем достичь еще больших побед.   

 

Бибинур ХАВАЙДУЛЛАЕВА,

инструктор по работе с молодежью  

акимата Аватского округа, член молодежного крыла «Жас Отан».

Published in Спорт

11 марта 2019 года в Астане стартовал 6 тур Командного чемпионата мира, в котором председатель Комитета по делам спорта и физической культуры РК Серик Сапиев сделал первый ход на доске Жансаи Абдумалик против венгерской шахматистки Хоанг Тхань Чанг.

«Хотя первый ход и символический, было очень волнительно. Я впервые участвую в такой почетной миссии, тем более на столь крупном турнире мирового уровня, - признался боксер, - Жансая- сильная шахматистка, я уверен, сегодня у нее есть все шансы одержать победу».

Олимпийский чемпион оценил качество подготовки и проведения Командного чемпионата мира, отметив, что это событие имеет большое значение не только для казахстанских почитателей шахмат, но и для страны в целом. Также боксер подчеркнул необходимость дальнейшего развития шахмат среди подрастающего поколения.

«В боксе, как и в шахматах, без правильно выстроенной стратегии ты не добьешься победы. Я сам в юности занимался шахматами, и мои дети сейчас посещают шахматную секцию.  Уверен, что со временем шахматы в Казахстане станут не менее популярными, чем бокс», – заключил спортсмен.

Прямую трансляцию чемпионата на казахском, русском и английском языках можно наблюдать на официальном сайте Командного чемпионата мира http://wteams.astana2019.fide.com

Published in Спорт
Бейсенбі, 14 Наурыз 2019 20:09

Ынтымақты үйдің бағы бар

Осылай деген ата-бабамыздың нақылы бүгінгі күні де өзектілігін жоғалтқан емес. Еліміздегі 130-дан астам ұлт пен ұлыс өкілдері «Қазақстан» атты бір шаңырақтың астына жиналып, өзара ынтымақтастықта күн кешуде. Бірлік пен татулықтың арқасында Қазақстан әлемге үлгі көрсетіп, достықтың символына айналды.

Тілі басқа – тілегі бір, жүзі басқа – жүрегі бір қазақстандықтардың достықта күн кешіп жатқанына бір ғасырға жуық уақыт болды. Сталиндік саясаттың құрбаны болған ұлттар сол кезеңде Отандарынан қуғындалып, Қазақстанға жер аударылды. Қақаған аязда, аптап ыстықта қызыл әскер жендеттері айдалаға тастап кеткен адамдарды қазақ халқы өгейсінген жоқ. Қолындағы барымен бөлісіп, баспана беріп, екі қолына бір күрек ұстатты.Танымайтын өзге елде жетімсіретпей, бауырына басқан қазақ халқы оларға көмек қолын созып, қонайжайлығын көрсетті. Нәтижесінде, 1991 жылы ұлтқа, дінге, тілге бөлінбейтін Тәуелсіз Қазақ елінің шаңырағын көтердік. Одан кейінгі тоқырау жылдары, дағдарыс кезеңдері бізді материалдық жағынан жүдетсе де, рухани байлығымызды жоғалтқан емеспіз. Керісінше, қазақстандықтардың қиын шақта бір-біріне демеу бола білетіндігін дәлелдеп, осы күнге бірге жеттік. Бұл турасында Елбасы Н.Назарбаев: «Біз жүз жылға татитын жиырма жылда ортақ жауапкершілік жолын жүріп өттік, биік белестерді бірге бағындыра білдік. Бауыры бүтін бірлігімізбен елдікті еселеп, мызғымас мемлекетімізді бекемдей түстік. Тұрақтылықтың бірегей үлгісін танытып, дамудың қазақстандық жолын айқындадық» – деген еді бір сөзінде. Аталған жетістіктерге жету жолында Қазақстан халқы Ассамблеясының еңбегі зор. Талай этно-мәдени шаралардың ұйытқысы болған Ассамблея әлі күнге өз жұмысын жемісті жалғастыруда.

Қазіргі уақытта, еліміздегі, оның ішінде ауданымыздағы 50-ден астам ұлт пен ұлыс өкілдері бір атаның балаларындай бақытты күн кешуде. Оның бірден бір дәлелі, кез-келген ұлттық және басқа да мерекелерді жатсынбай, бір адамдай атап өтеміз. Күні кеше ғана Түрген шатқалында болған «Масленница» атты қысты шығарып салу мейрамында славяндар ғана емес, қазақ, ұй-ғыр, түрік ұлтының өкілдері де өнер көрсетіп, қызықты ойындармен демалып қайтты. Сонымен қатар, алдымызда келе жатқан түркі халықтарының жаңа жылы – наурыз мерекесі де жалпықазақстандық мейрамға айналды. Бұл күнде қазақ халқы ғана емес, барлық ұлттар өздерінің қазақ үйлерін тігіп, салт-дәстүрді жаңғыртып, нау-рыз көжеден дәм татады. Оған қоса, халқымыз бір-бірінің діни мерекелеріне де құрметпен қарап, тіпті, кейбірі атап өтеді. Мұсылмандардың «Құрбан айтын», христиандардың «Пасха» мерекесін дінге, ұлтқа бө-лінбей, көршілер мен жақын жандар арасында өткізетін күнге жеттік. Әрине, бұл әрбір қазақстандықтың жүрегінде орын алған сыйластық, мызғымас татулық пен адал достықтың жемісі.

«Бөлінгенді бөрі жейді» – деп дана қазақ бекер айтпаса керек. Бүгінде алауыздықтың кесірінен Отаны соғыс алаңына, үйі үйіндіге айналған қаншама мемлекетті күнделікті өмірде бұқаралық ақпарат құралдарынан ес-тіп, көріп жүрміз. Шежірелі тарихымызға үңілсек те, өзара қырқысқан ел ешқашан ұзақ өмір сүрмеген. Бұл – біз үшін үлкен сабақ. Сондықтан, бірлігі жақсының, тірлігі тапшы болмайтынын, достықсыз даму болмайтындығын әр-дайым есте сақтауымыз керек. Елбасының сөзімен айтсақ, бірлігі берекелі, тірлігі мерекелі, ынтымағы жарасқан елдің ғана ырысы мен табысы мол болмақ.

 

Алия БОДЫБАЕВА,

Райымбек батыр атындағы орта мектептің 10 сынып оқушысы.

Published in Мақалалар

Ресми тіркелмей, өз-өзін жұмыспен қамтығандар саны жетерлік елімізде. Әлбетте, табысы көрсетілмегендіктен, зейнетақы мен қосымша салықтары жүйеде жоқ. Тіпті, медициналық сақтандыру қорына да қаржы түспейді. Бұл өз кезегінде уақыты келгенде медициналық көмекті де, тиісті зейнетақысын да ала алмайды деген сөз. Енді шегінерге жер жоқ, себебі, келесі жылдан бастап бұл жүйе нақты іске аса бастайды. Қазір пилоттық жоба ретінде елімізде жүргізілуде. Ол үшін мемлекеттен бірыңғай жиынтық төлем енгізілді. Демек, әрбір өзін-өзі жұмыспен қамтыған азаматтар айына 1262,5 теңге шотқа салса болғаны. Ол қаражат төртке бөлінеді. Толығырақ, аудандық жұмыспен қамту орталығының басшысы Берік Иманбаевпен жүргізілген сұхбатта.

– Құрметті Берік Әділжанұлы, бірыңғай жиынтық төлемнің басымдықтарын атап берсеңіз?

– Әлбетте, бұл кез келген азамат өзін медициналық сақтандыруға, зейнетақы қорын жүйелі толықтырып отыруға және әлеуметтік тәуекелдер жағдайларына әлеуметтік төлемдерді сақтауға мүмкіндік алады. Яки, бұл жүйе 2018 жылғы 26 желтоқсанда Салық кодексіне өзгеріс енгізді. Биыл бірыңғай жиынтық төлемдер (БЖТ) тек пилоттық жоба ретінде жүзеге асуда. Келесі жылдан бастап әрбір өзін-өзі жұмыспен қамтығандарға міндетті болады. Демек, 2020-дан бастап БЖТ төлемегендер емханаларда ем ала алмайды.

– Өзін-өзі жұмыспен қамтығандар санатына кімдер кіреді?

– Бірінші – жеке тұлғаларға табыс табу мақсатында қызмет көрсететін азаматтар яғни, фрилансерлер, бала күтушілер, репетиторлар, такси жүргізушілері және тағы басқа. Екінші – жалдамалы қызметкерлер. Үшінші – жеке қосалқы шаруашылықта жұмыс істейтіндер және ауыл шаруашылығы өнімдерін өткізушілер.

– Жоғарыда әлеуметтік тәуекелдер жағдайларына әлеуметтік төлемдерді сақтауға да белгілі пайыз бөлінетіндігін айтып өттіңіз. Осыған кеңірек тоқталсаңыз?

– Бұл сұрағыңыз өте орынды. Қазір көп адам осыны дұрыс түсінбей жатады. 2015 жылғы 12 маусымдағы №11342 «Әлеуметтік-еңбек саласындағы мемлекеттік көрсетілетін қызметті бекіту туралы стандарттың 8-қосымшасында ашық жазылады: «Мынадай әлеуметтік тәуекелдер жағдайларына әлеуметтік төлемдер тағайындау: еңбекке қабілеттілігін жоғалту, асыраушысынан айырылу, жұмысынан айырылу, жүкті болу мен босануға байланысты табысынан айырылу, бала бір жасқа толғанға дейін оның күтіміне байланысты табысынан айырылу». Демек, осындай азаматтар кейін өзі жиған қаржысын алуға толық құқығы бар.

– Әрбір өзін-өзі жұмыспен қамтыған азамат айына 1262,5 теңге төлейді. Аталған қаржы төрт бағытқа бөлінетінін айттық. Нақты пайыздық үлесі қалай болмақ? Оқырмандарға түсінікті болсын, тарқатып берсеңіз...

– Әрине, әрбір азаматтың ай сайын аударған қаржысы Алматы облысы бойынша «Мемлекеттік әлеуметтік сақтандыру қоры» АҚ филиалына түседі. Ол ақшаның 10 пайызы табыс салығына, 20 пайызы жоғарыда тарқатып айтқан әлеуметтік тәуекелдер жағдайларына әлеуметтік төлемдерге, 30 пайызы зейнетақы қорына және 40 пайызы медициналық сақтандыру қорына аударылады.

– Қазір пилоттық жоба шеңберінде жүргізіліп жатқанын атадыңыз. Ауданымызда өз еркімен бірыңғай жиынтық төлем төлеп жатқандар саны қанша?

– Биыл пилоттық жоба болғандықтан әрбір азаматқа барынша түсіндіру жұмыстары жүргізілуде. Нәтижесінде, ауданымызда 300-ге жуық адам БЖТ төлеуде.

– Ендігі басты сұрағымыз, осы санаттағы азаматтар төлемді қалай жүзеге асыра алады?

– Белгіленген соманы төлеу үшін мобильді телефон бірлігінен аударуға, терминалдар арқылы және екінші деңгейлі банктер, «Қазпошта» бөлімшелерінен төлеуге болады. Егер терминалдар арқылы төлеуге бел буса, бірыңғай жиынтық төлем деген тетікті басып, өзінің ЖСН нөмірін енгізсе болғаны.

– Уақыт бөліп, сұхбат бергеніңізге алғысымызды білдіреміз.

 

Әңгімелескен

Қайнар ЖҰМАҒОЖА.

Published in Ресми
Бейсенбі, 14 Наурыз 2019 19:56

Күн тәртібінде – баспана мәселесі

Қай заманда болсын баспана мәселесі қоғамның күн тәртібінен түскен емес. Әсіресе, қазіргі уақытта қазақстандықтарды тұрғын үймен қамтуға мемлекет баса назар аударуда. Осы орайда Елбасы «7-20-25» бағдарламасын қабылдап, бюджеттік сала өкілдеріне түрлі жеңілдіктер қарастыруда. Жақында аталған бағдарламаны түсіндіру мақсатында Т.Молдағалиев атындағы мәдениет үйінде аудандағы бюджеттік сала қызметкерлерімен кездесу өтті.

Шараны жүргізіп отырған аудан әкімінің бірінші орынбасары Нұржан Құдайбергенов жиылғандарға аталған бағдарламаны жіті түсіндіріп өтті:

– Тиімді бағдарлама аясында берілетін несиенің жылдық үстемақысы жылына небәрі 7 пайызды құрамақ. Бұл – инфляцияның көрсеткіші. Сонымен қатар, баспаналы болғысы келетіндерге несие 25 жылға дейін беріледі. Аты айтып тұрғандай алғашқы жарна үй құнының 20 пайызы ғана. Ал бюджеттік сала қызметкерлеріне бұның 10 пайызын 1 млн теңгеге дейін мемлекет өтеп береді. Бұл қаржы қайтарымсыз және несиеге қосылмайды. Яғни, мемлекеттен берілетін көмек. Осы мақсатқа бүгінгі таңда аудандық мәслихаттың шешімімен 108 млн теңге қарастырылып отыр – деді Нұржан Кеңесұлы. Айта кетейік, 1 млн теңгеге дейін мемлекеттен берілетін көмек тек мұғалім, дәрігер, полиция қызметкері, мемлекеттік қызметкер сынды бюджеттік саланың мамандары мен көп балалы аналарға қатысты.

Бағдарламаның тағы бір тиімділігі, аудан азаматтары аудан көлемінде ғана емес, Талғар, Алматы, керек десеңіз Астана қаласындағы өзіне ұнаған үйді несиеге ала алады.

Осыған ниет білдірген бүгінде ауданымызда 2332 адам бар. Олардың 32-сі құжат өткізген. Алайда, басым көпшілігіне жаңа баспана бұйырмапты. Оның негізгі себебі, бағдарламаға қатысуға ниет білдірушілердің талапқа сәйкес болмауы. Осы тұста баспаналы болу үшін қандай талаптар қойылады деген сұрақ туындауы заңды. Бұл сауалға жиынға қатысқан «Халық» және «Еуразия» банктерінің өкілдері жауап берді. Айтуынша, ең негізгі талап – несие тарихының (кредитный история) дұрыс болуы және оның атында жылжымайтын мүліктің болмауы маңызды. Оған қоса, басқа банктерде несиенің болмауы, болған күннің өзінде банк өкілдері шешу жолдарын қарастырамыз дейді. Сонымен қатар, бұрындары несие алушыларға жалақы 120 мың теңгеден аз болмасын деген шарт қойылса, қазір 100 мың теңгеден жоғары жалақы алсаңыз жеткілікті. Ал оған жетпесе жаныңызға кепіл беруші адамды ала келесіз. Оған да жоғарыдағы талаптар қойылады. Айталық, Сіз 10 млн теңге тұратын баспананы алғыңыз келді, жалақыңыз 70 мың теңге. Кепіл болатын адамның жалақысы 30 мыңнан асса жеткілікті. Ескере кететін жайт, баспана несиесінің мерзімі аяқталмайынша, кепіл адам басқа несие ала алмайды. Сондықтан, бұл орынға жақын адамдарды тартқан жөн.

Банк қызметкерлерінің айтуынша, «Alma village» тұрғын үй кешенінде 58 шаршы метр болатын 2 бөлмелі пәтерді 20 жылға алған адам айына 58 мың теңгеден төлейді. Дәл осы баспананы 10 жылға аламын деушілердің табысы жоғары болуы керек. Айына төлейтін несие көлемі 97 мың теңгеге жуық.

Осы бағытта облыс көлемінде, Қарасай, Талғар аудандарында әртүрлі бағада пәтерлер салынып, құрылысы аяқталуға жақын. Мысалға Құлжа тас жолының бойында, Талғар ауданында орналасқан «Alma village» кешенінде шаршы метрдің бағасы 150 мың теңге. Осы ауданға қарасты «Алма Тау» кешені пәтерлерінің 1 шаршысы 240 мың теңгеге бағалануда. Қарасай ауданындағы «Қарлығаш» кешеніндегі пәтерді шаршы метрінің құны 185 мың теңге. Алматы қаласына жақындаған сайын пәтер бағалары осылай қымбаттай береді. Жиында осыны айтқан тұрғын үй кешендерінің өкілдері өздерінің баспаналарын таныстырып, кез-келген уақытта аралатып көрсетуге дайын екендіктерін жеткізді. Талғар – Алматы жолының бойында орналасқан «Нурия» тұрғын үй кешенінің қызметкерлері құркүйек айында 180 пәтер пайдалануға берілетіндігін айтты. Оның 100-ден астамы облыс тұрғындары үшін.

«7-20-25» бағдарламасы бойынша облыстағы 7 банк несие береді. Әр банктың талабы әртүрлі болғандықтан, нақты ақпарат алу үшін банк бөлімшесіне барып жолыққан жөн. Айталық, «Еуразиялық» банкте атыңдағы үй апатты жағдайда тұрса, комиссия оны апатты деп таныса ғана, баспаналы бола аласыз. Сонымен қатар, жатақханада тұратын отбасы мүшелерінің де пәтер алуға мүмкіндіктері бар. Ал «Халық» банкінде мұндай жағдай қарастырылмаған.

Жиынға қатысушылар тарапынан тұрғындардың көкейінде жүрген түрлі сұрақтар қойылды. Соның бірі – несие алғысы келетіндердің жас мөлшері туралы. Бағдарлама аясында үйлі болғысы келетіндер зейнет жасына жетпеуі міндетті. Егер Сіздің зейнетке шығуыңызға 10 жыл қалса, сол мерзімге ғана несие беріледі. Сондықтан, бағдарлама жастар қауымына тиімді.

Аудан көлемінен үй алуға мүмкіндік жоқ па деген сұрақтар да туындады. Әрине, бүгінде ауданымызда көппәтерлі тұрғын үйлер салынып жатқан жоқ. Алайда құрылыс жүргізуге 19 орын белгіленген. Шелектің өзінен 3 үйдің орны дайын тұр. Қазір «Алатау» АҚ арқылы «Бедел констракшн» жауапкершілігі шектеулі серіктестігімен келіссөздер жүргізілуде. Келешекте аудан орталығынан 40 пәтерлі 5 үйдің құрылысы басталмақ.

Жиын соңында жоғарыда аталған және басқа да тұрғын үй кешенін көргісі келетіндер үшін автобус ұйымдастырып, барып көруге болатындығын айтты Нұржан Кеңесұлы. Ол үшін және басқа да сұрақтар бойынша кез-келген адам аудан әкімдігіне жолыға алады.

 Сардарбек НҰРАДИН.

Published in Ресми
Бейсенбі, 14 Наурыз 2019 19:44

Жұмыла көтерген жүк жеңіл

«Он адам жүрген жерде із қалады, жүз адам жүрген жер – соқпақ, мың адам жүрген жерде жол қалады» демекші, халқымыздың бойына сіңген асыл қасиеттердің бірі – қайырымдылық.

Сондықтан «Еңбекшіқазақ ауданының әйелдер одағы» қоғамдық қоры бастама ретінде көтеріп отырған қайырымдылық акциясына «Қазақстан салалық білім және ғылым қызметкерлері кәсіптік одағының Алматы облыстық ұйымы» қоғамдық бірлестігінің Еңбекшіқазақ аудандық комитетінің филиалы мен барлық білім саласының қызметкерлері қолдау көрсетеді деп сенемін. Өз тарапымыздан да мүмкіндігімізше қолдауға әзірміз.

***

Мен «Еңбекшіқазақ» газетінде жарияланған «Аялы алақан-2019» акциясын толығымен қолдаймын.

«Жұмыла көтерген жүк жеңіл» демекші аз қамтылған отбасыларға қолұшын беру – адамгершілік белгісі. Сондықтан аудан ардагерлерін акцияға белсене араласуға шақыра отырып, өз отбасымнан да 5000 теңге қаржы аудардым.

 

А.ЕСДӘУЛЕТОВА.

Published in Жарнама
Бейсенбі, 14 Наурыз 2019 19:37

Парасыз ел – гүлденген ел

Жақында ауданымызға ҚР мемлекеттік қызмет және жемқорлыққа қарсы күрес агенттігі қоғаммен байланыс департаментінің директоры Арман Бердалин мен аталған агенттік жанындағы арнайы мониторинг тобының мүшесі Ырза Тұрсынзада келіп, бірқатар әлеуметтік нысандарды аралап, қабылдау өткізді.

Аудан әкімінің бірінші орынбасары Нұржан Құдайбергенов пен партияның аудан филиал төрағасының бірінші орынбасары Қуат Байғоджаев бастаған агенттік өкілдерінің сапары аудандық «Нұр Отан» партиясынан басталды. Партияның қабылдау бөлімінде азаматтарымыздың арыз-шағымдарын тыңдап, кеңестер берді.

Кейіннен, Есік гуманитарлық-экономикалық колледжінде болып, студенттер мен оқытушылардың өнер туындысын тамашалады, мұражайын аралады. Сондай-ақ, колледж студенттерімен кездесті.

Кездесу барысында Арман Бердалин тағылымды әңгіменің тізгінін ағытып, жастарға ақыл-кеңесін берді:

– «Мен әлі жаспын, студентпін, жемқорлықпен күресетін арнайы органдар бар, менің қатысым қанша?» – деген жаңсақ пікірден аулақ болуымыз керек. Мемлекеттің болашағына балта шабатын парақорлықпен жас-кәрі демей, барлығымыз бір кісідей күресуіміз керек. Ертең Сіздер оқу бітіріп, болашақ маман иесі атанасыздар. Сол сәтте осындай бассыздаққа жол бермей, парақорлыққа тосқауыл болуымыз керек – деген Арман Тілек-тесұлы тәулік бойы жемқорлық фактісі бойынша арыз-шағым қабылдайтын желінің қызмет ететіндігін мәлімдеді. Жиын барысында тәрбие мәселесі де қозғалды. Департамент директорының айтуынша, адамға ең алдымен тәрбие керек. Онан соң ғана сапалы білім қажет. Сонда ғана еліміздің ертеңін жарқын қылар жастарымыз өсіп-өнеді. Сонымен қатар, көпшіліктің сұрауы бойынша бүгінгі қоғамның бейнесін суреттейтін «Жоқ іздеп жүрмін» атты өлеңін оқып, студент жастардың ризашылығына бөленді.

Кездесуде Ырза Тұрсынзада қыз балаларды ұлттық салт-дәстүр мен қолөнерді жаңғыртуға шақырды. Құрғақ сөзбен ғана емес, осы саланы дамытып, жан бітірем деушілерге қол ұшын беріп, өнімдерін тегін жарнама-лауға уәде етті.

Қонақтардың сапары аудандық ауруханада жалғасты. Осыдан 9 жыл бұрын қолданысқа берілген аурухана ғимаратын аралаған Арман Бердалин «Дамумед» мобильді қосымшасын насихаттау қандай деңгейде екендігін анықтап, тұрғындар арасында кеңінен түсіндіру жұмыстары әлі де жүргізілу керектігін атап өтті.

Аурухананың қабылдау бөлімі мен көрсетілетін медициналық қызметтердің сапасына көңілі толатындығын жеткізіп, мекемеге жөндеу жұмыстары керектігін айтты. Бас дәрігердің орынбасары Дидар Айтжановтың сөзінше, ғимаратқа 10 жыл толмай күрделі жөндеу жұмыстары жүргізілмейді. Аурухананың ашылғанына биыл 9 жыл. Келер жылы күрделі жөндеу жұмыстарын жүргізуге сұраныс берілмек.

Түрген ауылындағы Д.Қонаев атындағы орта мектепке ат басын бұрған қонақтар Дінмұхаммед Ахметұлының туған күніне орай 12 қаңтарда ашылған мектептің мұражайымен танысты. Заманауи үлгіде жасақталған биология кабинетінде оқушылардың «Менің кіші Отаным – Түрген» тақырыбындағы ғылыми жобаларын тыңдады.

Елімізде енді ғана қолға алынған заманауи үлгідегі мұғалімдер бөлмесі мен ұстаздарға арналған тынығу бөлмесінің қызығын осындағы ұлағат иелері көруде. Жаңа компьютерлермен, жоғары жылдамдықты интернет желісімен жабдықталған мұғалім-дер бөлмесі кең әрі жарық. Оған қоса, жанға жайлы тынығу бөлмесі ұстаздарға сапалы білім мен саналы тәрбие беруде шабыт сыйлары сөзсіз. Осының барлығын тамашалаған қонақтар барлық жағдай жасалған білім ордасын тәмамдаған оқушылар міндетті түрде еліміздің дамуына үлкен үлес қосады деген сенімдерін білдірді.

Студенттер, ақ халатты абзал жандар, ұлағатты ұстаздар және оқушылар қауымымен жүздескен агенттік өкілдері «Парасыз ел – гүлденген ел» деген ұран тастап, парасыз Қазақстанның негізін қалауда жұдырықтай жұмылуға шақырды.

Сапар соңы Есік тарихи-өлкетану қорық-мұражайында аяқталды. Қазыналы тарихымыздан сыр шертетін мекемені толықтай аралап, сақ заманының жәдігерлеріне қызығушылық танытқан қонақтар «Алтын адамның» тарихына тереңірек үңіліп, көкейдегі сауалдарына тарихшы-археологтардан тұщымды жауап алды.

Сардарбек НҰРАДИН.

 

Published in Ресми
Page 1 of 2
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама

для детей, достигших 12 лет