Күндер бойынша реттелген элементтер: Бейсенбі, 28 Наурыз 2019
Бейсенбі, 28 Наурыз 2019 10:55

Ұлттық ойын – біздің құндылығымыз

Ұлттық ойын десе делебесі қозбайтын қазақ кемде-кем. Елімізде осы көнеден келе жатқан ұлттық спорт түрлері жылдан-жылға дамып, жастар арасында кеңінен насихатталуда. Ұлыстың ұлы күнінде аудандық жастар ресурстық орталығы дене шынықтыру және спорт бөлімімен бірлесе «Ұлттық ойын – біздің құндылығымыз» атты ұлттық спорт түрлерінен жарыс өткізді.

Мерекені тамашалуға келген қонақтар өз мүмкіндіктерін мүлт жібермей, түрлі сайыстарда өз бақтарын сынады. Түрлі салмақ дәрежесінде қазақша күреске қатысқан жас балуандар өздерінің бабында екендіктерін дәлелдеді. Төзімділік пен математикалық біліктілікті жанына серік еткен жастарымыз тоғызқұмалақ ойынында бас қосты. Білекті жігіттер қол күрестен сайысып, мергендеріміз асық атып ойнады. Жарыс барысында жеңімпаздарға Алғыс хаттар мен арнайы сыйлықтар табысталды.

Сұлтан ТОЙҒАНБАЙ,

жастар ресурстық орталығының маманы.

 

Published in Спорт
Бейсенбі, 28 Наурыз 2019 10:52

Қолөнер — еңбектің қайнар көзі

Елбасы Н.Назарбаев «Қазақстанның болашағы – бүгінгі  жастар. Сіздер оларға қандай білім берсеңіздер, Қазақстан сол деңгейде болады» деп жалпы ұстаздар қауымына зор жауапкершілік жүктеген еді. Арқалаған аманатқа қиянат жасамау мақсатында Есік мектепаралық оқу-өндірістік комбинатының ұжымы аянбай жан-жақты қызмет етуде. Соның айқын көрінісі – «Қолөнер – еңбектің қайнар көзі» атты аудандық іс-тәжірибелік семинар.

«Қазақстан қайта даярлау біліктілікті арттыру» курсынан келген Махмут Жәлелов, аудандық білім бөлімінің әдіскері Қайрат Әукен кезегімен сөз алып, жиынның нәтижелі өтуін тіледі. Іс-тәжірибелік семинарға аудандағы мектептерден технология пәнінің мұғалімдері келіп, оқушыны шығармашылық жұмысқа тарту арқылы танымдық қабілеттерін арттыру жолындағы тәжірибелерімен бөлісті. Шәкірттердің шеберлігін, білімі мен еңбегін осы күні ұйымдастырылған көрмеден анық байқадық. Іскерлік, икемділік қабілеттерінің арқасында өз қолдарынан шыққан бұйымдарын көпшілік назарына ұсынған өнерлі өрендер ұстаздарының еңбегін ақтады. Шебер сыныптарда тігін бұйымдарымен киім тігу, терме бау тоқу, трикотажды жіптен дорба тоқу көрсетілсе, көркем жобалар осы семинарда көздің жауын алды.

 Алмагүл НҰҒМАН.

Published in Өнер
Бейсенбі, 28 Наурыз 2019 10:44

Салт-дәстүрлер дәріптелді

Көктөбе орта мектебінің кітапханасында Ұлыстың ұлы күніне арналған ұлттық салт-дәстүрді дәріптеген шара ұйымдастырылды. Мақсаты – оқушылардың  ой-сезімін  қалыптастырып, адамгершілік рухта тәрбие беруге  атсалысу. Оқушыларды елін сүюге, дәстүрлі мерекелерді құрметтеуге баулу. Мектеп кітапханашылары Баян Жатқанбаева мен  Майраш Мерзагулова өткізген шарадан оқушылар танымдарын кеңейтіп, сұрақтарына жауаптарын алды. Концерт ұйымдастырылып, салт-дәстүрлер көрсетілді. 

Венера Мундиярова,

қазақ тілі пәнінің мұғалімі.

 

Қ.Ұлтарақов ауылында Наурыз тойы тойланды. Әр мекеме қазақ үй тігіп, «Ұлыстың ұлы күні қазан толса, сол күні ақ мол болар» деген ниетпен  наурыз көже пісірілді.

Тұрғындар мәре-сәре болып, жасы да, үлкені де наурыз көжеден дәм татты. Қ.Ұлтарақов ауылдық округінің әкімі Ертай  Сұлтанәліұлы, орынбасары Қуат Бекешұлы, «Қызғалдақ» бөбек-жәй балабақшасының меңгерушісі Камшат Ахметбекқызы ауыл тұрғындарын ерекше мерекемен құттықтап, жаңа күннің тек жақсылықтар әкелуін тіледі. Жер-Ананың тынысы кеңейетін осынау мерейлі күні молшылық  пен берекенің куәсі болған жұртшылық мерекелік концертті тамашалап, бір серпіліп қалды.

Өз тілшіміз.

 

Табиғат ананы құлпыртып, күн мен түнді теңестірген баршаны бауыр тұтып көрістірген, адамзат баласын ізгілік пен мейірімге бөлеген Наурыз мерекесі барша қазақ елін шуаққа бөледі. Ұлыстың ұлы күні Саймасай ауылын да дүбірге бөледі.

А.Байтұрсынов атындағы мектеп ұжымы мен ауыл әкімдігі сондай-ақ, ауыл белсенділерінің қолдауымен сәулетті қазақ үйлер тігілді, қазанда көже қайнап, мерекелік дастархан жайылды. Көпшілік назарына концерттік бағдарлама ұсынылды. Әсем әндерді әуелетіп, шарықтап күй төгілді. Мың бұралған бишілер де мерекеден қалыс қалмады. Ұлттың салт-дәстүрден таным беретін сахналық қойылымдар қойылып, тұсау кесу рәсімі өтті. мектеп ұжымының ұйытқы болуымен таң шапағынан газ-53 көлігімен Саймасай ауылының барлық көшелерін аралап, көже таратылып, мереке бастауын жасады.

Сондай-ақ, округ әкімінің қолдауымен «Қой көтеру» сайысы жүзеге асып, нәтижесінде ауыл тұрғыны  Исмаил Айдинов қойды 130 мәрте көтеріп, қанжығалады. Арқан тартыс, күрес, гір тасын көтеру сынды жарыстар да ұйымдастырылып, жеңімпаздар марапатталды.

 

Гүлзат ҚҰТМАМБЕТОВА,

қазақ тілі мен әдебиет пәнінің мұғалімі.

Published in Жастар
Бейсенбі, 28 Наурыз 2019 10:42

Тағылымға толы кездесу

Ұлыстың ұлы күнінде түргендіктер келелі шараның куәгері болды. Округ әкімдігі қолдап, ауыл жастары ұйымдастырып, «Grand Royal» мейрамханасында ақ дастархан жайылды. Әдеттегідей ас ішу, ықылас қылудан бөлек, танымдық кездесу орын алды. Аралас жекпе-жектен 3 дүркін әлем чемпионы,Еуразияның 2 дүркін чемпионы,Әлем Кубогының иегері,Қазақстанға еңбек сіңірген спортшы Ардақ Назаров төрден табылды, салиқалы ойларын ортаға салды. Оған қосымша айтыс саңлақтары Балғынбек Имашев, Сырым Әуезхан және Қанат Мырзахан ел алдында өнер көрсетті.

Ел тарихы, жер тарихы, ұлт болашағы турасында келелі ойын ортаға салған Ардақ Құттықожаұлы барша қауымды наурыз мерекесімен құттықтай отырып: – Тарихқа қарасаңыз, біздің халық талай рет жер бетінен жойылып кетуге шақ қалған. Сол кезде біздің арыс би-шешендеріміз бен батырларымыз қанын төгіп, жанын беріп жүріп ұрпақтарын қорғап еді. Алысқа бармай-ақ кешегі Саурық, Өтеген, Сұраншы батырлар кім үшін жанын қиды. Қалмақтар қазақтың бас көтерер еркектерін қырып тастағанда, Төле би бабамыз тыныштық үшін оларға он бес жыл бойы салық төлеп отырды. Ал өзі ауылда қалған бірен-саран еркектерге үш-төрт әйелден қосып, бала санын көбейтуге күш салды. Сол жылдары туы-лып, жалаң аяқ, жалаң бұт шауып жүрген балаларға қарап отырып, еңкілдеп жылайды екен, жарықтық. Осы балалар қашан ер жетеді, қашан атқа қонады, қашан елін жаудан қорғайды деп армандайды екен. Ал өзі тыныштықты сақтау үшін елдегі әйелдердің жүзік, сақиналарына дейін жинап алып, қалмақтарға беріп отырады екен.Енді ойланайықшы, осының бәрі кім үшін? Осылай елім деп еңіреп өткен қайран бабаларымыз өз ұрпақтарының Сіздердің жарқын келешектеріңіз үшін  қанын төкті, жанын берді. Біз соған лайықты болуымыз тиіс, – деді.

– Бүгінгі келелі кездесуге округ тұрғындарынан бөлек іргелес ауылдардан да азаматтар келді. Оған қосымша 25 аз қамтылған отбасы мүшелері де тегін ақ дастархан басынан орын алды. Билеттерден түскен қаржыны жас кәсіпкер Жанас Әділбайұлы бастаған ауыл жастары қайырымдылыққа жұмсамақ ниетте. Мен округтің басшысы ретінде жастардың осындай мақтанарлық қадам жасап, туған ауылын гүлдендіруге сіңіріп жатқан еңбектерін ерекше атағым келеді. Өзара ауызбірліктері де талайдың әңгімесінде. Шүкір, осындай елін ойлайтын, жерін ойлайтын жастар өсіп-өнуде. Біз оларды барынша қолдауға бармыз, – деді округ әкімі Бота Елеусізова.

Төрт сағатқа созылған танымдық кездесу барысында жастармен пікір алмасулар, тағылымға толы айтыс, әуезді ән, күмбірлеген күй уақыттың қалай өткенін байқатпады. Шара соңында ауыл ақсақалы Жаңаберген Мұхамедов ақ батасын беріп, жастар әлем чемпионымен естелік суретке түсті.

 Қайнар ЖҰМАҒОЖА.

Published in Жастар
Бейсенбі, 28 Наурыз 2019 10:36

Жастарға зор мүмкіндіктер кезеңі

Елбасы Нұрсұлтан Назарбаевтың: Жас ұрпаққа қамқорлық, оның қазіргі өмірі мен болашағы үшін қам жеу қашанда менің саясатымның басты мағынасы болған. Әрбір жас қазақстандықтың жақсы білім алатын, отбасын құратын, жеке тұрғын үй пәтерге ие болатын мүмкіндігі бар» дегені есімізде. Ел ертеңіне деген риясыз қамқорлық көрінісі биыл айрықша байқалды. 2019-ды жастар жылы деп жариялап, жаңа мүмкіндіктерге жол ашты. Осы турасында жуырда Масақ және Сөгеті ауылдары жастарымен болған кездесуде кеңінен әңгіме болды.

«Жастарға зор мүмкіндіктер кезеңі» деп айдар таққан шарада биылғы жылдың басты жаңалықтары ашық айтылды. Ашық айтуға болады, еліміз жастар саясатын қолдауға бағытталған айрықша институт. Себебі, 2013 жылы Мемлекеттік жастар саясатының тұжырымдамасы қабылданып, 2015 жылы оның бірінші кезеңі  аяқталды. Нәтижесінде, барлық облыс пен Астана және Алматы қалаларында жастардың дамуына қолайлы жағдай жасайтын жастар саясаты жөніндегі аймақтық басқармалар құрылды. Жастар ресурстық орталықтары ашылды. Қазіргі таңда елімізде 210 осындай орталық жұмыс істеуде және 2258 маман жастарға қызмет көрсетумен айналысады. Осы турасында кеңінен әңгімелеген «Еңбекшіқазақ» газеті редакторының орынбасары, «Мәңгілік Ел тұғыры» қоғамдық қорының төрағасы Қайнар Жұмағожа: – Құрметті жастар, биылғы жылы бос сергелдеңмен емес, нақты іспен еркін айналысуға мүмкіндіктер көп. Айталық, бизнесті бастаймын деген азаматтарға бастапқы қаражатын мемлекет субсидиялап беретін мүмкін-діктер бар. Одан қалса «7-20-25» бағдарламасының ішінде тікелей жас отбасылардың баспаналы болуына қолдау көр-сететін арнайы тетіктері де қарастырылды. Білсеңіздер, АҚШ пен Еуропада жастарға бөліп-жарып қолдау  жасамайды. Сондықтан қолда барда пайдалана білу – әрбірімізге міндет, – деді. Кейіннен аудандық жастар ресурстық орталығының жетекшісі Айбек Ілебай: – Өздеріңіз білесіздер, ҚР Тұңғыш президенті, Елбасы Нұрсұлтан Назарбаев жастар жылының ашылу салтанатында сөйлеген сөзінде биылғы жылы ел ертеңіне жасалатын айрықша қолдауларды тізіп берді. Айталық, «Бизнестің жол картасы – 2020» бағдарламасы аясында жас кәсіпкерлерге берілетін несиені 2 есеге арттыру, урбанизацияға байланысты ауылдан қалаға ағылып келіп жатқан жастармен жұмыс жүргізу, «Дипломмен ауылға» бағдарламасын қарқынды жүргізу, «Студент жасақтары», «Еріктілер» жұмыстарын жандандыру, әскери-патриоттық тәрбие беру бойынша жас сарбаз қозғалысын жүргізуді міндет етті. Енді біздің ортақ мақсат – осы мүмкіндіктерді мүлт жібермеу», – деді.

Шара соңы жастармен еркін пікір алмасуға ұласты.

 Алмагүл НҰҒМАН.

Published in Жастар
Бейсенбі, 28 Наурыз 2019 10:30

Ярмарка вакансий «Нұр Отан»

Районным филиалом партии «Нұр Отан» совместно с районным центром занятости 15 марта была проведена ярмарка вакансий по Программе продуктивной занятости на 2017-2021 годы «Еңбек». Первый заместитель районного филиала   «Нұр Отан» Куат Байгоджаев  выступил перед участниками с разъяснением  партийной программы «Общество благополучия: 10 целей десятилетия» до 2030 года. Директор центра занятости Берик Иманбаев консультировал выпускников колледжей по программе «Молодежная практика». Представители трех  крупных предприятий: ПК «Альтаир», АО «ДСУ-13», КГУ «Аманат», специалисты акиматов Рахатского, Ташкенсазского, Акшийского, Каражотинского, Тескенсуского, Байдибекбийского округов и сотрудники центра занятости вели собеседования с претендентами на имеющиеся рабочие места.

Участниками ярмарки были жители сельских округов, выпускники юридического и гуманитарно-экономического колледжей. Работодателями были поданы заявки на 66 вакантных рабочих мест. Все соискатели вакансий получили консультации по  направлениям Программы «Еңбек». Первое: подготовка кадров с техническим и профессиональным образованием,  краткосрочное профессиональное обучение по востребованным на рынке труда профессиям. Второе:  обучение основам предпринимательства, расширение микрокредитования на селе. Третье: содействие в обеспечении занятости безработных и самостоятельно занятых путем повышения мобильности трудовых ресурсов. Также создана единая цифровая площадка по трудоустройству, на которой можно самостоятельно найти подходящую работу.

К.ДАРБАЕВА,

консультант районного филиала партии «Нұр Отан».

 

Published in Жастар
Бейсенбі, 28 Наурыз 2019 10:28

Қазақшаң қалай, балақай?

Аудандық білім бөлімінің жылдық жоспарына сәйкес, мектепке дейінгі мекемелерде мемлекеттік тілді оқытуда инновациялық жүйелер мен жаңашыл ой-пікірлердің қалыптасуына ықпал ете отырып, ба-лабақшалардағы патри-оттық тәрбиенің жарқын көрінісін насихаттау және бүлдіршіндердің еліне, мемлекеттік тіліне сүйіс-пеншіліктерін арттыру максатында «Айгөлек» бөбек-жәй балабақшасында «Қазақшаң қалай, балақай?» атты аудандық байқау өтті.

Аудандық білім бөлімінің бас маманы А.Ұнақбаева қатысып, дәстүрлі байқаудың қатысушыларына сәттілік тіледі. Балабақша меңгерушісі Жанар Дарханбаева шараның маңызы мен ерекшеліктеріне тоқталды. Аралас балабақшаларда тәрбиеленіп жатқан өзге ұлт өкілдерінің балалары байқау ережелеріне сай өздерін таныстырып, өнерлерін ортаға салды. Сонымен қатар, «Менің елім – Қазақстан» тақырыбында көрініс көрсетті. Нәтижесінде, бас жүлдеге «Айгөлек» бөбек-жәй балабақшасының тәрбие-ленушісі Малика Мамирова ие болса, І орынға «Балдаурен»  бөбек-жәй балабақшасының бүлдіршіні Шахраман Кутлуков, ІІ орынға «Есік Болашақ-2007» балабақшасының тәрбиеленушісі Дария Рау жане ІІІ орынға «Әйгерім-1» бөбек-жәй бала-бақшасынан келген Султан Масимов жайғасты. Өзге де қатысушылар түрлі номинациялармен марапатталды.

 Өз тілшіміз.

Published in Мақалалар
Бейсенбі, 28 Наурыз 2019 10:26

Турнир в честь юбилея А.Саматова

15-18 марта в физкультурно-оздоровительном комплексе г.Есика состоялся открытый юношеский республиканский турнир по греко-римской борьбе, посвященный 70-летию ветерана казахстанского спорта, мастера спорта, ветерана госслужбы, Почетного гражданина района Аманбека Саматова.  В турнире приняли участие 500 борцов в составе 31 команды из г.Алматы, г.Талдыкоргана, Жамбылской, Мангыстауской, Туркестанской областей, Аксуского, Балхашского, Райымбекского, Кегенского, Панфиловского, Талгарского, Илийского, Карасайского и Енбекшиказахского районов Алматинской области.

Спортивный праздник открыл секретарь районного маслихата Бекет Ахметов. Бекет Толегенович, постоянный организатор спортивной жизни  Енбекшиказахского района, мастер спорта по боксу, поздравил Аманбека Фазыловича с юбилейной датой,  рассказал о его спортивных достижениях  и трудовой биографии. Руководитель районного отдела спорта Ерболат Сарабеков, директор районного ДЮСШ Абай Сыргабаев,  заслуженные тренеры-ветераны Марат Нургалиев, Серик Бейсенбеков, Тусип Саматов, друзья из Аягуза Орынбек Турысбеков, Асан Жангельдин   также выразили ему  пожелания крепкого здоровья и дальнейшего участия в   общественной и спортивной деятельности. Друг детства, одноклассник Аманбека ага Орынбек Турысбеков передал юбиляру  привет с «малой родины» - Аягузского района  Восточно-Казахстанской области,  и вручил ему благодарственное письмо от имени руководства Аягузского района. 

По результатам схваток на борцовском на ковре медалей, почетных грамот и ценных подарков были удостоены победители и призеры в 12 весовых категориях. Среди них есть и спортсмены  районного ДЮСШ. Второе место в весовой категории 30 кг занял Фазыл Ерасыл и третье место в категории 42 кг  – Дамир Алдабергенов.

Большой вклад в проведение турнира внесли сыновья Аманбека ага Аскар и Тельжан, а главным спонсором выступил известный предприниматель, меценат спорта Алим Жумабеков, которому Аманбек Саматов выразил особую признательность и благодарность.

И.ВИКТОРОВ. 

Published in Спорт
Бейсенбі, 28 Наурыз 2019 10:18

Музыкальный Наурыз

Большим концертом и выставкой картин отметила Наурыз  Школа искусств  в г.Есике. В программе концерта было выступление хора, ансамбля казахских инструментов, исполнение произведений казахских и зарубежных композиторов на домбре, фортепиано, аккордеоне.

Учителя и ученики, администрация школы и родители также сердечно поздравили победителей республиканского конкурса «Жарқын болашак» в г.Алматы. Домбристы Ильяс Наренбай и Ерболат Утемисов были удостоены высшей награды конкурса – Гран-при, первое место заняла Жансая Куракбай. Все они   – воспитанники преподавателя класса домбры Сейлбека Макатаева. 

Уважаемые родители! Если вы хотите, чтобы ваши дети стали лауреатами престижных творческих конкурсов и фестивалей республики, а по окончании школы   получили свидетельства государственного образца, гарантирующие поступление в  творческие вузы  и колледжи страны,  приводите их в Школу искусств. 

Детское творческое учреждение, работающее свыше 40 лет, в котором живопись и музыку  преподают специалисты с большим стажем и опытом работы, расположено по адресу: г.Есик, ул.Чапаева, 27, телефон 4-05-58. 

 

Published in Жастар
Бейсенбі, 28 Наурыз 2019 10:15

«Сенімге селкеу түсірмейміз» !

«Нұр Отан» партиясы аудандық

филиал төрағасының бірінші орынбасары

Қуат БАЙҒОДЖАЕВ:

Кез-келген демократиялық мемлекетте партияның қоғамдағы атқаратын рөлі ерекше. Сол секілді еліміздегі саяси ахуалды реттеуде, мемлекеттік қызмет пен стратегиялық бағдарламалардың дұрыс орындалуына бақылау жасауда «Нұр Отан» партиясының ықпалы артып келеді. Халық пен билік арасындағы алтын көпірге айналды десек, артық айтқандық емес. Жақында аталған алып партияның 20 жылдығы ұйымдастырылып, мерейтой қарсаңында партияның кезекті ХVІІІ Съезі өтті Астана қаласында. Елбасы, партия төрағасы Н.Назарбаевтың қатысуымен өткен жиында қазақстандықтардың әлеуметтік жағдайын жақсарту және елдің даму стратегиялары талқыланып, партия мүшелеріне нақты тапсырмалар берген болатын. Осыған орай, аталған Съездің делегаты, аудандық партия филиалы төрағасының бірінші орынбасары Қуат Байғоджаевты сөзге тартып, партияның аудан аумағында қандай кешенді шаралар атқарып жатқандығын сұраған едік.

– Құрметті Қуат Сұлтанұлы, күні кеше өткен «Нұр Отан» партиясының ХVІІІ Съезінде партия төрағасы Н.Назарбаев партияның 2030 жылға дейінгі бағдарламасын бекітіп, халықты тұрғын үймен қамтамасыз ету, білім беру және денсаулық сақтау салаларын жақсарту бойынша жұмысты оңтайландыруды тапсырды. Бақылаушы орган ретінде бұл бағытта сіздердің атқаратын жұмыстарыңыз қандай?

– Бұл негізгі салалар бойынша осы күнге дейін де ауданымызда бірқатар жұмыстар атқарылды. Партияның аудандық филиал төрағасы Бинәлі Әбідқапасұлы білім беру, денсаулық сақтау салаларын әрқашан бірінші кезекке қояды. Нәтижесінде, осы бағытта жылына 5-6 нысан жаңадан бой көтеріп, ескі ғимараттар күрделі жөндеуден өтеді. Айталық, 2018 жылы мекенімізде мемлекеттік-жекеменшік әріптестік аясында қаншама балабақша ашылды. Бүлдіршіндерді тәрбиелеу ордасымен қамту көрсеткіші 100 пайызға таяды. Бұл – үлкен көрсеткіш. Тәуелсіздік күні қарсаңында Ащысай ауылында жаңа заманауи медициналық құралдармен жабдықталған амбулатория ашылып, пайдалануға берілді. Сондай-ақ, бүтіндей Шелек өңірі тұрғындары саулығының сақшысы болып отырған Шелек аудандық ауруханасының күрделі жөндеу жұмыстары жүргізілуде. Осындай жұмыстарды ары қарай жүргізуге республика бойынша бюджеттен 2 трлн 300 млн теңге бөлінді. «Нұр Отан» партиясы қаржының игерілуін, нысандардың құрылысын бақылап қана қоймай, мамандардың да сапалы қызмет көрсетуін қадағалайды. Балалардың сапалы білім алуы мен тұрғындардың саулығы – әрдайым партия назарында.

Ал тұрғын үймен қамтуға келсек, жасыратыны жоқ, соңғы бірнеше жылда аудан аумағында көпқабатты үйлер салынып жатқан жоқ. Есесіне, болашағы бар ауылдардың ауқымы кеңейіп, Қорам, Шелек, Қырбалтабай ауылдарының жанындағы жүздеген гектар жерге инфрақұрылым жүргізілді. Бұл жұмыстар алдағы уақытта Ақши, Қайыпов ауылдарында жүйелі жалғасын таппақ.

– Отанымыздың тал бесігі – ауыл екенін естен шығармаған Мемлекет басшысы Үкіметке «Ауыл – ел бесігі» жобасын іске асыруды тапсырды. Бұл жақсылық біздің ауылдарымызды да айналып өтпейтін болар.

– Әрине, Еңбекшіқазақ – облысымыздағы ең ірі аудандардың бірі, құрамында 79 елді мекен бар. Осы күнге дейін осы ауылдарымыздың көркеюі жолында жұмыстар жасалып келеді. Ең алдымен әлеуметтік нысандардың, кейіннен, тұрғындардың тұрмыстық жағдайын арттыру мақсатында шағын және орта кәсіпкерлік саласына баса назар аударылуда. Жылдан-жылға ауылшаруашылық саласы да қарқынды даму үстінде. «Ауыл – ел бесігі» осы күнге дейінгі іске асырылып жатқан «Дипломмен ауылға», «Туған жер» бағдарламаларының жалғасы іспеттес. Мемлекет басшысы Н.Назарбаев өз сөзінде халықаралық, республикалық жолдардың күйін ретке келтіргендігін айтты. Ендігі кезекте, облыс, аудан орталықтары мен ауылішілік жолдарды жөндеу үшін қомақты қаражат бөлуді тапсырды. Биылдан бастап бұл бағытта ауқымды жұмыстар атқарылмақ. Ауыз су мәселесі де біртіндеп шешілуде. Аудан шекарасындағы Нұрлы мен Қаратұрық округіне қарасты Ащысай ауылдарына жаңа су құбырлары жүргізілуде.

Осындай жұмыстарды атқаруға Елбасы 90 млрд теңге бөлуді тапсырды. Алдағы уақытта аталған қаражаттың нысаналы жұмсалуын партия бақылауда ұстайтын болады.

– Партия төрағасы Н.Назарбаев айтқандай, бүгінде «Нұр Отан» партиясы үлкен саяси күшке айналып, халықтың сеніміне ие болды. Артылған сенімге селкеу түсірмей, аудан тұрғындарының мәселелерін шешуде партия қаншалықты жұмыс атқаруда?

– Оныңыз рас, партиямыз халықтың сенімімен қатар, тұрғындар тарапынан үлкен қолдауға ие. Оның бірден-бір дәлелі, партия құрамына енген азаматтар санының күн санап артуы. Сәйкесінше, біз де олардың сенімін ақтап, проблемаларын шешуге барымызды саламыз. Күніне партияның қабылдау бөліміне кемінде 10-15 адам арыз-шағыммен келеді. негізінен, әлеуметтік-тұрмыстық мәселелерімен бөліседі. Мұндай азаматтарға көмек қолын созу партия тарапынан қарастырылмаған. Сондықтан, олардың құжаттарын жинастырып, мемлекеттен тиісті көмек алуға жол ашамыз. Олай болмаған жағдайда, демеушілер арқылы мұқтаж жандарға қол ұшын беруге тырысамыз. Сондай-ақ, шет елден көшіп келген қандастарымыз да құжат мәселесімен жиі келіп жатады. Осыған орай, көші-қон полициясының қызметкерлері аптаның белгілі бір күнінде әрдайым партиялық қабылдау өткізіп, азаматтардың арыз-шағымын қабылдайды. Үшжақты келісім арқылы басқа да мемлекеттік органдар қабылдау өткізіп отырады.

– Кейбір өңірлерде партия жанынан «Бейімдеу орталығы» және партияның ықпал етуімен әкімдіктерде «Ашық әкімдік» ашылды. Бұл бастамаларға толығырақ тоқталып өтсеңіз және біздің ауданымызда қашан жүзеге асады?

– Алдымен «Бейімдеу орталығына» тоқталар болсақ, бұл – ауылдан қалаға жұмыс іздеп, басқа да себептермен көшіп келген жастарға, азаматтарға көмектесетін орталық. Мұндай орталықтар негізінен үлкен мегаполистерде ашылғаны тиімді. Өйткені ауылдан екі қолға бір күрек іздеп шыққан адам алдымен қалаға жол тартады. Оларға жұмыс тауып, белгілі мекен-жайға орналастырып, қаланың тыныс-тіршілігіне бейімдеуге «Бейімдеу орталығы» жол ашады. Орталық бүгінде Шымкент қаласында жемісті жұмыс атқаруда. Әрине, бұл игі бастама. Алайда, біз аталған орталықсыз-ақ, ауданымызға келіп жатқан азаматтарымызды барынша қамтамасыз ете аламыз. «Ашық әкімдік» те аталған мегаполисте алғаш рет ашылды. Әкімдіктің сайтына тіркелген тұрғындар әр жұма күні проблемаларын шаһардың басшысына жеке айта алады. Әкім кабинетінде емес, ашық терезе арқылы жұртшылықтың сұрақтарына жауап береді. Бұл да «Нұр Отан» партиясының бастамасымен қолға алынған жоба. Өзіміздің ауданымызға оралар болсақ, аудан басшысы мен қала әкімінің қабылдауында болу тұрғындарымыз үшін ешқандай қиындық туғызбайды. Әкімдер әр азаматты жеке қабылдап, мұң-мұқтажын тыңдап, мәселелерін шешуге қол ұшын береді.

– Қоғамда өзекті болып отырған тұрмысы төмен отбасылар мен көпбалалы аналардың мәселесіне партия бей-жай қарамайтын болар. Жыл басынан бері қанша көпбалалы ана партияның көмегіне жүгінді? Оларға тиісті көмек беріліп жатыр ма?

– Көпбалалы аналар мен әлеуметтік аз қамтылған отбасылар – ешқашан партия назарынан тыс қалған емес. Жыл басынан бері 150-ден астам көпбалалы ана біздің қабылдауымызда болды. Оның сыртында жергілікті әкімдіктердің көмегіне жүгінгені қаншама. Негізгі көтерілетін мәселе – материалдық, тұрмыстық проблема. Бұлардың барлығына тиісті құжаттары рәсімделіп, әлеуметтік аз қамтылған жанұяларға жұмыспен қамту және әлеуметтік бағдарламалар бөлімі арқылы жәрдемақылар тағайындалды. Бүгінде ауданымызда 8 мыңнан астам көпбалалы ана бар. Оның 3 мыңнан астамы мемлекет тарапынан жәрдемақы ала алады. Ал 326 көпбалалы отбасының тұрмыстық деңгейі төмен. Елбасының тапсырмасына сәйкес, сәуір айынан бастап әр балаға айына 21 мың теңгеден төленбек.

– «Бала – ел болашағы». Осыны ұстанған «Нұр Отан» партиясы оқушылардың сапалы білім алуына және денсаулығына аса мән беруде. Осы бағытта біршама кешенді шаралар атқарылып жатқандығы бізге мәлім.

– Еліміздің ертеңгі тұтқасын ұстар азаматтар – бүгінгі біздің балаларымыз. Сондықтан, олардың алаңсыз сапалы білім алуы жолында барлық жағдай жасалуда. Жоғарыда атағанымыздай, мектеп салынып, күрделі жөндеуден өтуде. Оның сыртында, оқу орындары түгелдей жаңартылған білім беру стандартына ауысып жатыр. Былтыр ауданымызда алғашқы ІТ-робото-техника сыныбын Шелек ауылындағы жаңа мектепте ашқан болатынбыз. Аудандық партия филиалының төрағасы, аудан әкімі Бинәлі Ысқақтың бастамасымен, облыстық мәслихат депутаты Жангелді Осанның демеушілігімен ашылған ІТ-сыныбы балалардың жаңа технологияларды игеруіне жол ашуда. Игі шара биыл №1 Рахат орта мектебінде жалғасын тапты. Жақында партияның 20 жылдығына орай, аталған білім ордасында бюджет қаржысына ІТ-сыныбы пайдалануға берілді.

Сонымен қатар, балалардың денсаулығы да біздің жіті бақылауымызда. «Мектеп асханалары» партиялық жобасы аясында, ауданымыздағы мектеп асханаларына жүйелі түрде мониторинг жасалып отырады. Құзырлы органдармен бірлесе өткізілетін шара кезінде балалар тағамының құрамы, сапасы мен мөлшері тексеріліп, заңбұзушылықтар анықталуда. Сондай-ақ, Шелек және Есік өңірлеріндегі мектеп асханаларының меңгерушілерінің басын қосып, ауқымды семинар өткіздік. Жиында барлық мәселелер қамтылып, балалардың асын дайындауда қоғамдық денсаулық сақтау басқармасы тиісті нормаларын бекітіп берді.

– ХVІІІ Съезде партияның латын қарпіндегі логотипі мен туы көпшілікке таныстырылды. Ендігі кезекте құжат айналымы да латын қарпіне ауысатын болар.

– Латын қарпіне көшу – кеше, бүгін туындаған идея емес. Бұл қаншама жылдан бері жетілдіріліп, қоғамдық талқылауда жүрген бастама. Қазір осы жобаны іске асыруға нақты тапсырмалар берілді. 2025 жылға дейін еліміз латын әліпбиіне ауысуға тиіс. Партиямыз да 20 жылдығы қарсаңында логотипі мен туын латын қарпіне ауыстырып, бүгінде партия филиалындағы ақпараттық стендтерді де латынға көшіруді жоспарлап отырмыз. Осылайша, құжат айналымы да біртіндеп латын қарпіне ауысады.

– Сұхбатыңызға рахмет.

 

Әңгімелескен

Сардарбек НҰРАДИН.

Published in Саясат
Page 1 of 2
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама

для детей, достигших 12 лет