Дүйсенбі, 29 Шілде 2019 17:09

121 балаға қайырымдылық жасалды

121 балаға қайырымдылық жасалды mezet.kz

Өздеріңіз білетіндей, өткен нөмірлердің бірінде ауданымыздағы «Тау-Жаңашар» жазғы лагеріне демалуға Арыс қаласынан балалар келгенін жариялаған болатынбыз. Жақында лагерьге арыстық балаларға сыйлықтарымен келген қонақтар олардың күн тәртібімен танысып, жасалған жағдайларын көрді. Игі істі ұйымдастыруға ұйытқы болған «Жетісу білімі» қоғамдық қорының төрайымы, облыстық мектепке дейінгі білім беру қауымдастығының директоры Күләнда Батырбекова: «Біздің жұмыс негізінен, балалармен жүргізілгендіктен кішкентай азаматтардың өміріне бей-жай қарай алмаймын. Әрине, тас түскен жеріне ауыр. Десек те, осында Арыстың балалары келді дегенді естіген соң, жан-жақты ұйымдастыру жұмыстарын жүргізіп, тез арада қаржы жинадық. Атсалысқандардың ішінде қоғамдық қорлардың мүшелері, іскер әйелдер қауымдастығы, облыстық, аудандық кәсіпкерлер палатасы, мектепке дейінгі білім беру мекемелерінің қауымдастығы бар. Қаржы жиналған соң, балалардың сұраныстарына қарай қажет заттарын алдық. Атап айтсақ,  121 балаға 1 289 300 теңгеге спорт костюмдарын, крассовкалар,  суға түсуге арналған костюмдарын алып, бүгін соны жеткізіп отырмыз», – дейді.

Демалыстарын қызықты әрі пайдалы қылып өткізіп жатқан балдырғандар тіпті «Бізге бұл жер қатты ұнады, сондай қызық» деп бала көңілдерін де білдіріп үлгерді.

Алмагүл НҰҒМАН.

Read 65 times

Күнтiзбе

« Қыркүйек 2019 »
Дс Сс Ср Бс Жм Сн Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама

для детей, достигших 12 лет