Күндер бойынша реттелген элементтер: Бейсенбі, 04 Шілде 2019
Бейсенбі, 04 Шілде 2019 16:40

Апатты қалаға көмек қолы созылды

Өткен аптаның алғашқы күні арыстықтар үшін сәтсіз басталды. Дүйсенбі күні таңертең қалада орналасқан әскери қоймада жарылыс болып, бейбіт тұрғындардың берекесін алды. Жарылыс салдарынан тұтанған оқ-дәрілер мен снарядтар тұрғын үйлердің үстіне түсіп, бірер сәтте қаланың астан-кестенін шығарды. Дүлей дүмпуден шошынған жұрт үйін, қызметін, кәсібін тастап қаладан қашты.

Әлеуметтік желі арқылы желдей ескен Арыстағы апат туралы хабар барша елді аяғынан тік тұрғызды. Жедел іске кіріскен құтқарушылар эвакуация жұмыс-тарын бастап, бірнеше сағатта арыстықтарды жақын маңдағы аудандар мен Шымкент қаласына жеткізді. Түркістан облысындағы аудандарда уақытша лагерьлер құрылып, төтеншеліктер жарылыстарды тоқтатып, өртті ауыздықтады. Сол күні кешкісін Мемлекет басшысы Қасым-Жомарт Тоқаев Арыс қаласында болып, апаттың мән-жайымен танысты. Құзырлы органдарға тиісті тапсырма берді. Сондай-ақ, уақытша лагерьлерге орналасқан арыстықтармен жүздесіп, қаланы тез арада қалпына келтіретіндігін жеткізді. Шұғыл жиын өткізген Премьер-министр Асқар Мамин апат салдарынан бір бейбіт тұрғын мен әскери қызметшінің қаза тапқандығын жеткізіп, марқұмдардың отбасыларына көңіл айтты. Арысқа шұғыл жеткізілген саперлар қаланы шашылған снарядтардардан тазалап, тұрғын үй аулаларын тексеріп шықты.

Осындай қайғылы жағ-дайда отандастарының қасынан табылған республика жұртшылығы жер-жерден гуманитарлық көмектер жіберіп, қол ұшын беріп жатыр. Аудандық «Еңбекшіқазақ» газетінің ұжымы да өздерінің бір күндік жала-қысын зардап шеккендерге арналған көмек қорына аударып, қиын сәтте қолдау білдірді.

Құрметті оқырман, Сіз де Арыстағы азаматтарға заттай немесе қаржылай көмек қолын соза аласыз. Ол үшін төменде көрсетілген мекен жайға барып, тұрмыстық қажеттіліктерді жіберуге, көрсетілген банк шотына қаражат аударуға мүмкіндіктеріңіз бар.

 

Өз тілшіміз.

 

Published in Ресми

«Газет – халықтың көзі, құлағы һәм тілі». Жауыр болған сөз шығар. Алайда, ұлт ұстазы Ахмет Байтұрсынұлының осы нақылы әлі күнге дейін өзектілігін жоғалтқан емес. Бүгінде журналист – біріншіден халық пен билік арасындағы алтын көпір. Сонымен қатар, төртінші билік өкілдері – өзінің қаламы арқылы қоғамдық пікір тудырушы, жаңалықтың жаршысы.

Ақпараттық технология дамыған қазіргі уақытта өкінішке қарай, екінің бірі блогер атанып, ғаламтор желісінде жылдам ақпарат таратуға әуес. Алайда, «Шымшық сойса да, қасапшы сойсын» деген нақыл бар емес пе? Әр адам өз ісімен айналысқаны жөн. Кәсіби емес журналистер таратқан тексерілмеген жылдам ақпараттың нәтижесінде, қоғамда талай дау туып, түсініспеушіліктер болғаны жасырын емес. Нәтижесінде, төртінші билік өкілдерінің беделіне нұқсан келіп, жаңалық жаршыларының қадірі қалмай бара жатқан секілді.

Университет қабырғасында жүргенімізде ұстаздарымыздың: «Журналист ол кез-келген сәтте дәрігер, мұғалім, заңгер, экономист, керек десеңіз ауылшаруашылық қызметкері немесе саясаткер бола алады. Ал жоғарыда аталған мамандардың бірде-біреуі журналист бола алмайды» дегені есімде қалыпты. Расында журналист, әсіресе, аудандық газеттің тілшісі әмбебап (универсальный) болуы керек. Түрлі саланың жиынына барып, түсініп, сол саланың өкілдеріндей ақпарат беру керек оқырманға. Әңгімені әріден бастайық...

Айталық, ауданның бір жерінде ауыл шаруашылық саласы бойынша жиын өтіп жатыр. Алдымен жиналыстың өтетіндігі жөнінде хат келіп түседі редакциямызға. Редактор жауапты маманға жүктегеннен кейін, журналист тақырып бойынша өзі де дайындала бастайды. Аграрлық іс-шаралар кабинетте, жұмсақ креслода өтпейтіндігі мәлім. Ауа-райының қандай болатындығына қарамастан белгіленген орынға уақытынан бұрын барып ақпарат жинас-тырады журналист. Шара барысында адамдардың айтқан сөзі, эмоциясы мен пікірлерін мүлт жібермей, диктофонға немесе блокнотқа түсіріп отырады. Оған қоса аудандық газеттің әмбебап тілшілері сапалы суретке түсіріп үлгеруі керек оқиғаны. Осылайша, жиналған ақпаратың редакциядағы компьютер алдында өңделіп, саланың түсініксіз терминдері оқырман үшін қара-пайым тілмен жазылады. Осыдан болар «Әдебиетті екі рет оқып түсінесің, ал журналистиканы бір рет оқығанда-ақ түсінуге болады» деген пікір қалыптасқаны. Бұл – тек атқарылған жұмыстың жартысы ғана. Жазылған мақала теріліп, шығарылған соң бас редактордың үстеліне жол тартады. Редактор  түзету енгізген  бетті корректор өңдеп, қателерін ретке келтіреді. Онан соң жауапты хатшы материалдың қай беттен, қаншалықты орын алатындығын белгілеп, газеттің макетін жасайды. Парақтағы жазу мен суреттерден газет құрастыратын ең жауапты әрі күрделі жұмыс – дизайнерлердікі. Үнемі тасада жүретін қызметкерлердің еңбегі көп жерде еленбей қалып жатады. Мақаланы көркем, тартымды етіп газет бетіне орналастыратын осы дизайнер-беттеушілер (суретте). Мұнымен де жұмыс әлі біткен жоқ. Бетке қойылған мақалалар бірнеше рет оқылып, өңделіп, көзге ілінбей қалған қателері қайта түзетіледі. Осылайша, нөмірге жауапты кезекшінің қолы қойылған дайын өнімдерді пісіру үшін пешке жөнелтеді, яғни, баспаханаға. Типографиядан жаңа басылып шыққан газеттер поштаның негізгі бөлімшесіне жеткізіліп, әр ауылдағы поштаға таратылады. Сол жерден оқырмандардың алдына жол тартады.

Байқасаңыз, кішкене ғана 8 беттік газетте қаншама адамның маңдай тер еңбегі жатыр. Әртүрлі жағдайда, түрлі оқиғаның ортасында жүретін журналистер қауымына көп көңіл бөлініп жағдай жасалмаса да, халық арасында әлі күнге беделін жоғалта қойған жоқ. Себебі, халық – адал еңбектің бағасын беруші. Көрнекті қаламгер Шерхан Мұртаза айтпақшы: «Алтын арқалап, жантақ жеген»журналист – сол халықтың арман-тілегін арқалап, сенімге селкеу түсірген емес.

 

Сардарбек НҰРАДИН.

Published in Мақалалар
Бейсенбі, 04 Шілде 2019 16:16

Ақпарат алаңының «ғажаптары»

Шабарман, жаушы, лаушы, ұзынқұлақ тағы басқа архаикалық, яғни, ескіріп, тозған, бүгінгі күні пайдаланылмайтын тек архив-мұрағаттарда, тарихи әдебиетте сақталған сөздер. Ал сол архаизмдердің орнына келіп жатқан жаңа сөздерді, әсіресе, интернет-ғаламтормен бірге кіріп жат-қан сөздерді сараптап екшеп отырсақ, бүгінгі күннің өмір ағымы бұрынғы заманаларға қарағанда еселеп артқанын аңғарамыз. Осыны түсіндіріп, дәлелдеп жатудың өзі орынсыз. Тек смс, ватсап, сайт (интернет парақша), блогер тағы басқа бірнеше сөздерді мысалға келтірсек болды бүгінгі күннің ақпарат алмасу ауқымын аңғара аламыз.

Ақпарат құралы, ақпарат көзі, ақпаратты тасымалдаушы техникалық құрылым, яғни, ғаламторды тек қана атап өтейік те, сол ақпаратты беруші, яғни, автор және ақпаратты пайдаланушы жайлы тоқталып өтсек. Газет, журнал, теледидар өнімдерін кәсіби журналистер дайындап, кәсіби техникалық қызметкерлер таратады. Ол да бесенеден белгілі. Ал ғаламтор пайдаланушыларына келсек... Бұларға келсек. Қуырдақтың көкесін түйе сойғанда көресің деген қазақша мақалға саяды. Шатып-бұтып хат жаза алатын үй шаруасындағы әйел де, ғылыми орасан биік лауазымы бар академик те желіге шығып ақпарат тарата алады. Көз майын тауысып журналистік, филологиялық, тағы басқа жоғары сауаттылықты талап ететін кәсіп иелерімен қатар кеше ғана техникалық, ауылшаруашылық тағы басқа ақпарат саласына қатысы жоқ білім алып тиесілі қызмет жасап, өтілі толған соң, зейнетке шыққан азаматтар да жазушы, ең болмаса, блогер атанып шыға келетінін қайтерсің. Әділетін айтсақ бұл соңғыларының қатарында да оқырманға айтары бар ойлы да көркемдігі де кем емес шығармалар ұсынатын авторлар бар екені де шындық.

Желілік басылымдарда сайттар мен блогтарда ең көп оқылатыны, әлбетте, «пост» аталған қысқа хабар-ошарлар мен дәл сондай келте қайырылатын комменттер, яғни , комментарийлер мен тақырыпқа  байланысты оқырман ойлары.

Мәселенің үлкені осы посттар мен комментердің, яғни, мыңдаған, тіпті, миллиондаған ақпараттың қайсысы шын, қайсысы шындыққа жанаспай-тындығында. Ағылшыннан келген фейк (fake) сөзі жалған ақпаратты білдіреді де, егер тіпті жүз пайыз ақиқат жазсаң да, фейкке, яғни жалған ақпаратқа шығаратын «шеберлер» де бар бүгінгі күнде.

Ал хайп сөзі (hype) қаржылық саладан-пирамида, жалған кредиттеу тағы басқа алдап-арбап табыс табу деген мағынадан желілік салаға ауысып жабысқақ жарнама (агрессивная реклама), ақпараттық айқай шу, өсек-аяң деген ұғымға айналды. Орыс тілділер хайпить, хайпануть десе қазекем де тәсілденіп алса керек. Бұл жұлдыз болу, атыңды шығару дейтін болсақ, бабаларымыз атыңды шығарам десең, жер өрте депті. Жалған жала, оқиғаға байланысты, адамға байланысты өтірік, өсек таратып дау шығару өрттен де жаман екенін көріп, біліп жүрміз. Ең аяғы кімнің кіммен табақтас дос болғанын қойып, кіммен төсектес болғанын «хайыптап» атын шығарып жатқандар бүгінгі өміріміздің келеңсіз көрінісі екені күйіндіреді.

Тоқсан ауыз сөздің тобықтай түйіні ақпаратты абайлап бере де білейік, пайдалысын, ақиқатын іріктеп ала да білейік, құрметті оқырман, көрермен, тыңдарман!

 

Хайролла АХМЕТЖАНОВ.

Published in Мақалалар
Бейсенбі, 04 Шілде 2019 16:13

Ауыл асыл азаматын ұмытпайды

Иә, ауылда туып, ауылға қызмет еткен азаматтардың еңбегі әрдайым елене бермек. Осылайша, елге еңбек ете жүріп, өз ортасында сый-құрметке ие болған малыбайлық Азамат Түзелбай 29 жасында жастай өмірден озды. «Жақсының аты, ғалымның хаты өлмейді» деген халық даналығы. Азаматтың жақындары мен округ әкімдігі жуырда Малыбай ауылында шағын футболдан ауданаралық еске алу турнирін ұйымдастырды.

Азамат Ысқақбекұлын еске алуға арналған жарысқа Еңбекшіқазақ, Талғар, Райымбек аудандары мен Алматы қаласынан 22 команда қатысты. Сайыстың ашылу салтанатында округ әкімі Бақытжан Ауқадиев Азаматтың өмір жолына тоқталып өтті:

– Аққан жұлдыздай жарқ етіп сөнген Азамат Ысқақбекұлы аз ғұмырында айналасына жақсылық жасап, көпке үлгі болды. Аудандық жұмыспен қамту орталығында еңбек етіп жүргенде азаматтарды жұмысқа орналастырып, ауыл жастарымен кездесіп, өзекті мәселелерін шешуге атсалысты. Азаматтың өзгелерден ерекшелігі, үлкенге құрмет, кішіге ізет көрсетіп, әрдайым жақсылық жасаудан шаршамайтын – деді. Арнайы қонақтар мен жақындары, әкесі Ысқақ Салманов марқұмды еске алып, ұйымдастырушыларға ризашылықтарын білдірді.

Қатысушы командалар көп болғандықтан ойын 3 алаңда өрбіді. Бас төреші – Саламат Шынжырбаев. Дода барысында ала допты ұршықша иірген футболшылар қонақтар мен жанкүйерлерге тамаша ойын үлгісін көрсетті. Осылайша, финалға қызылшарықтық «Шадай» командасы мен Шелек халыққа қызмет көрсету орталығының құрамасы өтті. Шешуші ойын тартысты болды. Алайда, Шелек ХҚКО спортшылары компьютер алдында отырып, тұрғындарға сапалы қызмет көрсету ғана емес, спортта да алдына жан салмайтындығын дәлелдеді. Құрама мүшелері Дәурен Зорқанов пен Дулат Әкімжан гол соғып, өз командасына жеңіс әкелді. Қақпашы Самат Қосалмасов қақпаны барынша қорғап, талай қауіпті сәттердің бетін қайтарды. Нәтижесінде, 2:0 есебімен Шелек ХҚКО-ның жігіттері жүлделі бірінші орынды қанжығалады (суретте). Екінші орын «Шадай» командасына бұйырда. Үздік үштікті екі команда қорытындылады: Ақтоған ауылының құрамасы мен малыбайлық «Азамат» командасы. Жеңімпаздар медальмен, алғыс хаттармен марапатталып, кубок пен ақшалай сыйлыққа ие болды.

 

Сардарбек НҰРАДИН.

Published in Спорт

 

В соответствии с положениями экономической политики Стратегии «Казахстан-2050» перед налоговыми органами РК стоит задача выстроить эффективную систему государственных доходов, направленную на обеспечение необходимого баланса между задачами сбора платежей и налогов, создания благоприятных условий для ведения бизнеса. Их основные функции: сбор  платежей в госбюджет, аудит налогоплательщиков, противодействие теневой экономике.

На местном уровне данная задача возложена на районное управление государственных доходов. Управление государственных доходов  –  прежде всего клиентоориентированная служба, создающая условия для добровольной  уплаты налогов и платежей, организующая взаимодействие с бизнес-сообществом, помогающая налогоплательщикам своевременно исполнять налоговые обязательства перед государством. Об актуальных вопросах пополнения бюджета и мерах по минимизации теневой экономики, методах работы с налогоплательщиками мы беседуем с руководителем районного управления государственных доходов Нуржаном ЖУРЫНБАЕВЫМ.

– Нуржан Сатылханович, главная функция вашего управления, как всегда, пополнение  республиканского и местного бюджетов.  Какие итоги подведены к началу лета?

– Управлением государственных доходов по Енбекшиказахскому району за 5 месяцев 2019 года обеспечены поступления в государственный бюджет в объеме 7 640 680,6 тыс. тенге при прогнозе 7 045 274 тыс. тенге, перевыполнение составило 595 406,6 тыс. тенге или  108,5 %.  Темп роста поступлений по сравнению с аналогичным периодом прошлого года 109,4% или увеличение на сумму  657 478,1 тыс. тенге.

По налоговым поступлениям обеспечен объем в сумме 7 310 472,3 тыс. тенге при прогнозе 6 958 984 тыс. тенге, поступило сверх прогноза 351 488,3 тыс. тенге или 105,1 %,  темп роста по сравнению с аналогичным периодом прошлого года  составил 107,9 %  или 535 594,1 тыс. тенге.

В том числе в республиканский  бюджет  обеспечено поступление 3 009 988,3 тыс. тенге при прогнозе 3 049 127 тыс. тенге,  прогноз выполнен на 98,7%, темп роста составил 109,0 % (увеличение на сумму 248 026,7 тыс. тенге).

По налоговым поступлениям обеспечена сумма 2 937 809,8 тыс. тенге при прогнозе 3 043310 тыс. тенге,  темп роста по сравнению с аналогичным периодом прошлого года 106,3% (увеличение на сумму 174  951,1 тыс. тенге).

Исполнение прогноза по местному бюджету обеспечено на сумму 4 630 692,3 тыс. тенге  при прогнозе 3 996 147 тыс. тенге, поступило сверх прогноза - 634 545,3 тыс. тенге или 115,9 %,  темп роста составил 109,7 % или на 409 451,4тыс. тенге.

По налоговым поступлениям обеспечен объем 4 372 662,5 тыс. тенге  при прогнозе 3 915 674 тыс. тенге,  перевыполнение  составило 456 988,5 тыс.тенге или  111,7 %, темп роста по сравнению с аналогичным периодом прошлого года составил 109 %  или на сумму 360 643 тыс. тенге.

– Основные налогоплательщики – предприниматели. Сколько их состоит на учете?

– На сегодня субъектов          малого предпринимательства – 1 969, среднего  – 79,  крупного – 12, индивидуальных предпринимателей – 19811, крестьянских хозяйств  –  10 094. Это основная налогооблагаемая база. Кроме того, на территории округов Енбекшиказахского района имеется  62 711 дворов, облагаемых налогами. По налогу на имущество   зарегистрировано 62 711 физических лиц; по налогу на землю –  62 817; по налогу на транспортные средства  – 59134 налогоплательщика.

– Для улучшения бизнес-климата государственные проверки минимизируются.  Какие способы  служат  контролю за налоговыми платежами?

– Одним из основных способов является камеральный контроль. По его результатам налогоплательщикам направляются уведомления о добровольном устранении нарушений. За 5 месяцев 2019 года по результатам камерального контроля в бюджет поступило 11154,1 тыс. тенге, по имущественному доходу поступило дополнительно налогов на сумму 37969 тыс. тенге, по проведению хронометражного обследования и после беседы с налогоплательщиками поступило дополнительно налогов на сумму 6550 тыс. тенге.

– И, все же, совсем проверки отменить нельзя. Кого вы проверяете на предмет укрывательства от налогов?

– По отделу  администрирования  косвенных  налогов, в ходе тематической  проверки  на основании  предписаний, составлены 8 актов по торговле с нарушениями  ч.1 ст. 463 (без разрешения (лицензии)) и пп. 7 п.3 ст. 282 (без сопроводительных накладных) КоАП РК . Изъято 7 019 бутылок (3 765,9 литров) алкогольной продукции. По всем нарушителям- налогоплательщикам  административные материалы направлены в Енбекшиказахский районный суд. На 20.06.2019 года по 8 НП  вынесены судебные решения с наложением адм.штрафа на общую сумму 1704,3 тыс.тенге и конфискацией  алкогольной продукции. Также по 3 актам  изъято 3 161 пачек  табачных изделий. По 3  нарушителям материалы направлены в Енбекшиказахский районный суд. По этим налогоплательщикам вынесены судебные решения с наложением адм.штрафа на общую сумму 618,6 тыс.тенге и конфискацией табачных изделий.  

 С начала 2019 года были составлены 34 извещения о добровольной уплате административного штрафа  с привлечением административной ответственности по ч.1 ст.282 КоАП РК на сумму 858,5 тыс.тенге. Административный  штраф взыскан полностью. За 5 месяцев 2019 года по ч.1 ст.287 КоАП РК за неполную уплату либо несвоевременную уплату суммы НДС за импорт товаров со стран ТС на общую сумму 606 000 тенге  привлечены 7 нарушителей. Сумма взыскана полностью. Также согласно предписаниям составлены акты и привлечены к административной ответственности 67 налогоплательщиков, осуществлявших деятельность без контрольно-кассовых машин или работающих без регистрации, на которых судом наложены административные штрафы на сумму 340 875 тенге.

По администрированию НП, у которых имеются коммерческие объекты, поступило дополнительно налогов на имущество и   землю на сумму 3160 тыс. тенге. По администрированию НП по привлечению к плате за эмиссию окружающей среды поступило 341,5 тыс. тенге. За 5 месяцев 2019 года по результатам администрирования налогоплательщиков, у которых на праве собственности зарегистрировано коммерческое недвижимое имущество, дополнительно в бюджет поступил налог на имущество на сумму 1 617,3 тыс. тенге, налог на землю  232 тыс. тенге.

– Добросовестно ли  платят налоги граждане, предоставляющие услуги такси, сдающие в аренду жилье?

 – Проведены рейдовые проверки по выявлению лиц, осуществляющих торговлю на рынках, перевозку пассажиров,  сдачу в аренду жилья без регистрации в налоговых органах. В СМИ были опубликованы материалы о порядке постановки  таких физических лиц на регистрационный учет в качестве индивидуальных предпринимателей.

Осуществляются выезды, проводятся беседы, в ходе которых таксистам раздаются специальные памятки о постановке на регистрационный учет  в качестве ИП. Также раздавались формы расчета патента с извещением о добровольной постановке на регистрационный учет. Кроме того, был проведен круглый стол с участием руководителя районного отдела предпринимательства, специалистов ГУ «Отдел пассажирского транспорта и автомобильных дорог» и представителей НПП «Атамекен».           

В результате было зарегистрировано в качестве ИП 99 физических лиц, занятых перевозкой пассажиров и грузов. Нами самостоятельно изготовлены специальные самоклеющиеся знаки «Такси», которые выдаются владельцам такси при постановке на регистрационный учет.

 Также был зарегистрирован в качестве  ИП 21 домовладелец, предоставляющий жилье в аренду.

 – Ведется ли управлением профилактика налоговых нарушений, оказывается ли дополнительная помощь налогоплательщикам?      

– Отделом «ЦПО физических лиц» совместно с акимами округов в каждом здании акиматов сельских округов созданы «уголки самообслуживания», установлены терминалы самообслуживания для налогоплательщиков по отправке формы налоговой отчетности в электронном  виде и получению других государственных услуг.

 – Как в перспективе вы  строите отношения с налогоплательщиками?    

 – В перспективе налоговое ведомство –  служба с высокоэффективной системой управления, обеспечивающая экономическую безопасность, создающая условия для бизнеса и добровольности уплаты налогов.

У подразделений районного уровня основная функция  –  сервисное обслуживание налогоплательщиков. Приоритетность создания условий для добровольной уплаты платежей будет превалировать над уголовным преследованием. Проверкам будут подвергаться только те лица, у которых действительно высокая вероятность нарушения законодательства. Пристальному вниманию со стороны налоговых органов будут подвергаться налогоплательщики с низким коэффициентом налоговой нагрузки.

Введена система ведения электронных счетов-фактур, сокращающая затраты бизнеса. На базе web-приложения «Кабинет налогоплательщика»  реализуется возможность представления  налоговых деклараций. Наш принцип –  клиентоориентированность и развитие электронных услуг, что существенно облегчает ведение бизнеса, повышает доверие общества к управлению государственных доходов, а также снижает уровень коррупционных проявлений в налоговой  сфере.

 

Вел интервью И.ТУРАНИН.

Published in Мақалалар
Бейсенбі, 04 Шілде 2019 16:06

33 жыл мемлекеттік қызметте

23 маусым — мемлекеттік қызметшілердің кәсіби мерекесіне орай, Талдықорған қаласында салтанатты шара өтті. Мерекелік жиынға қатысқан облыс әкімінің орынбасары Серікжан Бескемпіров мемлекеттік қызметтің мәртебесі мен беделін арттыруда, оның міндеттері мен мақсаттарын нәтижелі орындау бағытында жемісті еңбек етіп жүрген бірқатар мемлекеттік қызметкерлерді Алматы облысы әкімінің Алғыс хатымен марапаттады.

Ел мүддесіне адал қызмет атқарып жүрген Еңбекшіқазақ ауданы әкімі аппаратының ұйымдастыру бөлімінің басшысы Жұмағалиев Әзіл Кәрімұлы еткен еңбегі бағаланған үздіктер қатарынан көрінді. 

Әзіл Кәрімұлының 45 жыл еңбек өтілінің 33 жылын мемлекеттік қызметке арнап келеді.

– Бүгінгі күні мемлекет-тік қызметтің қоғамдағы рөлі мен орны бөлек. 23 маусым мемлекеттік қызметшілер мерекесі ретінде аталып өтілуі бір жағынан халықтың бізге сенім артқанының, қолдауының айғағы болса, екінші жағынан бізге үлкен жауапкершілік артып отыр. Мемлекеттік қызметте жүрген жас мамандарға алдағы жұмыстарына асқан жауапкершілікпен қарап, талмай, адал еңбек етуге сенім білдіріп, үлкен үміт артамын, – деді өз сөзінде Әзіл Кәрімұлы.

 

Динара Төлемісова.

Published in Ресми
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама

для детей, достигших 12 лет