Күндер бойынша реттелген элементтер: Жұма, 05 Шілде 2019

Өзінің төлтумасына балаған Астана қаласы туралы толғауын Елбасы: «Жаңа астанаға көшу және оны салу туралы ой менде ертеректе, сонау алыстағы  1992 жылы туған еді, бірақ мен ол кезде мұны аузымнан шығармадым, өйткені Қазақстанның экономикасы ойлағанды іске асыруға мүмкіндік бермеді», – дей келіп, «1992 жылы Қазақстанның Президенттігіне бүкіл халық болып сайланғаннан кейін, мен Ақмолаға келдім. Есілден көлденең тартылған ескі көпірдің ортасында тұрып, өзенге қарадым. Маған қаланың ортасында ағып өзен жатқан болса, қашанда сол ұнайтын. Өзен қалаға ерекше бір көрік береді, мәртебесін көтереді. Мысалы, бізде Жайықтың бойында Атырау, Сырдарияның бойында Қызылорда, Тобылдың бойында Қостанай, Ертістің бойында Семей мен Кереку орналасқан. Ал әлемде қаншама астаналар ылғи өзен жағасына салынған! Санкт-Петербург – Невада, Мәскеу – өзі аттас өзенде, Париж – Сенада, Лондон – Темзада тұр. Оның үстіне Ақмола Қазақстан мен бүкіл Еуразияның орталығына орналасқан» – деп жеткізеді. Расында, Елбасының арман-қиялымен ұштасқан бас қаламыздың бүгінде көркі көз тойдырып, көңіл шалқытады. 

ЮНЕСКО-ның шешімімен «Әлем қаласы» атанған елорданың аумағы 710,2 шаршы километрді құрайды. Ол халықаралық іскерлік және мәдени орталыққа айналды. Қалада әкімшілік, әлеуметтік-мәдени, ғылыми, білім беру нысандары және іскерлік-орталықтар, тұрғын-үй кешендері алдыңғы қатарлы мемлекеттер астаналарының стандарттарына сай келетін құрылыс нысандары бой көтеріп, жаңа әкімшілік орталығында ҚР Президентінің резиденциясы – Ақорда, ҚР Парламенті мен Үкіметінің ғимараттары орналасқан. Елорданың іскерлік орталықтарында кеңселер, сау-да орталықтары, мейманханалар, ал әлеуметтік-мәдени орталықтарда театр-лар, мұражайлар, демалыс орындары, спорттық нысандар, ойын-сауық орталықтары орналасқан. Осының бәрі, әлбетте, қыр даланы гүл қалаға айнал-дырған Елбасы Нұрсұлтан Әбішұлы Назарбаевтың ерен еңбегі мен қажырлы қайратының жемісі. Тәуелсіз Қазақстанның астанасын әлем танып, көптеген маңызды саяси шешімдер де нақ осы елордада қабылданады. Әлемдік саясаткерлер көз тіккен Орталық Азияның жауһары атанды. Елорда жаһандық спорттық шаралардың орталығына да айналды. Оның дәлелі – қысқы Азия ойындарының бір бөлігінің бас қалада өтуі. Елбасы еңбегінің арқасында араға 11 жылдық үзілісті салып елордада ЕҚЫҰ саммиті өткен-ді. Саммит қорытындысы бойынша бас қаланың декларациясы қабылданған болатын. Төрткүл дүние телміре қараған ЕХРО көрмесі де астанамыздың беделін одан әрі арттырып, таңдай қақтырды. Қазақстан Республикасының тұңғыш Президенті – Елбасы Нұрсұлтан Назарбаев: «Біз ЕХРО көрмесін ТМД және Шығыс Еуропа елдері арасында тұңғыш рет өткізгелі отырмыз. Сөйтіп, қазақ елінің ордасы айтулы көрмені өткізген әлемдегі 35 қана қаланың қатарына қосылды. Тәуелсіз Қазақстанның символы – Астана. Нағыз ХХІ ғасырдың қаласы ретінде жаңа қырынан танылатын болады. Танылды да. Бүгінде Орталық Азияның жауһарына айналған елорданы білмейтін жан жоқ шығар жаһанда», – деп зор мақтанышпен айтқан-ды.

Уақыт – бәріне сыншы, өткенге – төреші екені айқын. Сонау 1994 жылдың 6 шілде күні Қазақстан Республикасының тұңғыш Президенті Нұрсұлтан Назарбаев Жоғарғы Кеңестің сессиясында мемлекет астанасын Арқа төсіне, атап айтқанда, Ақмола қаласына көшіру туралы ұсынысын ортаға салғанда бүкіл әлем қауымдастығы түрлі қөзқараспен қарағаны да жасырын емес. Ал, барша қазақстандықтар үшін тарихтың жаңа беті ашылған еді. Құдайға шүкір, кезінде біреуге жалған, біреуге арман болған бас қала бүгінгі таңда халықаралық қауымдастық таныған, мойындаған қалаға айналды. Елбасымыздың асқақ мақсаты орындалды. Астанамыз жыл өткен сайын сәулеті мен дәулеті өркендеп, барша қазақстандықтардың бас ордасына айналды. Қазақстанның дамуына серпін берген жаңа елордамыздың авторына ризашылық сезіммен «Астана – Елбасының ерлігі» деп те айтамыз. Ел үшін де, Елбасы үшін де, елорда үшін де марқайып жүретін болдық.

Асқан көрегендікпен, маңдай тер, асқақ арманмен жүзеге асқан Елбасының төл туындысы – Нұр-Сұлтан қаласы жаңа серпінмен алға қадам басуда. Еліміз берекелі, елордамыз еңселі, халқымыз ауызбіршілікті болсын!

 

Алмагүл НҰҒМАН.

Published in Ресми

Биылғы шілде айының 6 жұлдызы Елордаға 21 жыл толады. Осы күнге дейін бас қаланың мерейтойы атаусыз қалған емес. Осы жылы да Нұр-Сұлтанның туған күні аталып өтеді.

Жақында Арыс қаласында орын алған қайғылы оқиғаға байланысты бірқатар қазақстандық-тар Нұр-Сұлтан күнін тойламай, бөлінген қаржыны Арысқа жіберуді ұсынған болатын. Қала әкімінің орынбасары Ерлан Каналимовтың айтуынша, астананың туған күнін мүлдем болдырмай тастау мүмкін емес. Есесіне, бөлінген қаражат үнем-деудің нәтижесінде 3 есеге қыс-қарды. Қазынадан бөлінген 300-400 млн теңге іс-шараларды өткізуге ғана емес, қаланы көркейту жұмыстарына да жұмсалады.

Бәз-біреулер қала әкімдігінің бұл шешіміне де қарсы шығып, мерекені мүлдем тойламау керек деген пікірін айтып жатыр. Онсыз да бұрындары миллиардтар бөлінетін мейрам биыл бірнеше есе қысқарып 300-400 млн теңгеге түсті. Орта Азиядағы ең көрікті, ең жас қалаға бүкіл әлем жұртшылығы көз тігіп, туристердің сүйікті орнына айналған сәтте қала күнін атаусыз қалдыру мүмкін емес. Сондықтан бөлінген ақшаға Елордада мәдени шаралармен қатар, қайырымдылық, абаттандыру жұмыстары жүргізіледі.

Бұрындары Елорда күніне орай 300-ден астам шаралар ұйымдастырылатын болса, осы жылғы мерекеде 100-ге жуық шара өтеді. Оның 73-і тегін мерекелік бағдарламалар. 4 жыл бойы қатарынан ұйымдастырылып, дәстүрге айналған Open Air ашық аспан астындағы Қазақстан мен Ресей эстрада жұлдыздарының гала-концерті биыл болмайды. Сонымен қатар, 6 шілде күні орталық алаңдардағы көңіл көтерулер мен шығыны көп шараларды астана жұртшылығы тамашалай алмайды.

Осы күнге дейін Арыс қаласына бірнеше рет гуманитарлық көмек және  қаржылай көмек жіберген қала басшылығы бұл жолы да отандастарының қайғысына көз жұма қарамады. Мереке күндері жоспарланған қаланың үш жеріндегі: Есіл өзенінің жағалауы, Абылай хан мен Пушкин көшелерінің қиылысы және «Хан-Шатыр» ойын-сауық орталығының ау-мағындағы от-шашулар болмайды. Осындай ұсыныс таста-ған Нұр-Сұлтан қаласының әкімдігін мерекелік от-шашулар демеушілері қолдап, бөлінген қаржы Арыстағы апаттан зардап шеккендерге аударылады.

 

С.НҰРАДИН.

Published in Ресми
Жұма, 05 Шілде 2019 12:05

Арысқа көмек жалғасуда

Жарылыстан зардап шеккен арыстық ағайындарға әлі күнге көмек қолы созылуда. Жер-жерден жүк көліктерімен гуманитарлық көмек жөнелтіліп, қомақты қаржылай қолдау көрсетілуде. Ауданымыз да жақында ғана азық-түліктер мен тұрмысқа қажетті заттарды жеткізіп берген болатын. Игі шара жалғасын тауып, өткен аптаның соңында тағы да жүк көлігі жіберілді арыстық ағайындарға.

Отандастарының қайғысына бей-жай қарамаған аудан тұрғындары мен кәсіпкерлері 1 тоннадан астам макарон өнімдері, 1 тоннаға жуық қант, 2,5 тонна ұн, жалпы 20 тоннаға жуық құны 4 млн теңге болатын түрлі азық-түліктер, жеке қажетті заттар тиелген жүк көлігін шығарып салды Арыс қаласына. Сонымен қатар, ауылдық округтер мен кәсіпкерлер 1 млн-нан астам қаржы жинап берді. «Еңбекшіқазақ ауданы Арыспен бірге» атты акция барысында жүзеге асқан қайырымдылық шарасын аудан әкімдігі мен «Нұр Отан» партиясы ұйымдастырды.

– «Жұмыла көтерген жүк жеңіл» – деген дана халқымыз. Осы қағиданы ұстанған қазақстандық-тар қолдан келгенше көмектерін аяп жатқан жоқ. Оны Арыс қаласына жасаған сапарымызда байқадық. Азық-түлік пен қажетті заттар тиелген жүк көліктері күндіз-түні келіп жатыр, – дейді «Нұр Отан» партиясы аудандық филиалының консультанты Бағдат Рахимов.

 

Сардарбек НҰРАДИН.

Published in Ресми
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама

для детей, достигших 12 лет