Дүйсенбі, 23 Мамыр 2022 16:11

Бала балауандар бақ сынады

Жуырда Есік қаласындағы спорт сарайында спорт ардагері Аманбек Саматов атындағы грек-рим күресінен 2007-2009 жылы туған жасөспірімдер арасындағы дәстүрлі ашық республикалық турнир өтті.  Облыстық  бұқаралық спорттық  іс-шараларды өткізу орталығы мен аудандық балалар мен жасөспірімдер спорт мектебі  ұйымдастырған  күрес додасына еліміздің әр өңірінен 480-нен  астам балуан қатысып, 15 салмақ дәрежесінде боз кілемде бақтарын сынады.

Күрес додасына ҚР-ның  еңбек сіңірген жаттықтырушысы, грек-рим күресінен ұлттық құраманың бас бапкері Серік Жұмашев, ҚР-ның  еңбек сіңірген жаттықтырушысы Мұратбек Қасымханов, ҚР-ның  еңбек сіңірген спорт шебері, грек-рим күресінен  әлемнің 5 дүркін жеңімпазы, Азия чемпионы, ҚР-ның жасөспірімдер құрамасының бас бапкері Алмат Кебісбаев, халықаралық дәрежедегі спорт шебері, ҚР-ның аға жаттықтырушысы Нұрым Дүйсенов сынды спорт саңлақтары құрметті қонақ ретінде қатысты.

– Еліміздің грек-рим күресін биік белес-ке көтеру үшін жасөспірімдер арасындағы спорттық додаларға, әсіресе, осындай дәстүрлі  республикалық турнирлерге көп көңіл бөлу қажет.  Осында балаларды алып келіп, оларды жаттықтыратын бапкерлердің орны бөлек. Мұнда сан рет республикалық додадарда жүлде алған жасөспірімдер белдесіп жатыр. Ал бүгінгі жеңімпаздар күні ертең ел намысын халықаралық ареналарда қорғай алады, – деп атап өтті грек-рим күресінен ұлттық құраманың бас бапкері Серік Жұмашев.

Жарыс қатысушылары екі күн бойы өзара мықтыны анықтады. Соңғы ақтық кездесулер қызықты да тартысты өтті. Финалистер бар күшін салып белдесті. Олар керемет әдістер мен жекпе-жектерді көрсетіп, грек-рим күресінің жанкүйерлерін сүйіндірді. Байрақты бәсекенің нәтижесі бойынша жалпыкомандалық есепте бес бірдей бірінші орынды қанжығалаған Алматы облысының бала балуандары топ жарды. Екінші орынға тартысты өнер көрсеткен Ақтөбе облысының балуандары жайғасып, үздік үштікті қос балуаны қарсылас шақ келтірмеген Маңғыстау облысы мен Алматы қаласының спортшылары түйіндеді. Аталған турнирде аудан атынан бақ сынаған Темірлан Аманбек (75 кг) күміс жүлдені жеңіп алса, Ерасыл Фазыл (42 кг) үшінші орынды иеленді.

Жекпе-жек қиын болды, қарсыластарымның барлығы мықты. Жалпы бұл турнирде тек үздік балуандар жиналған. Ақтық бәсеке болғандықтан бар күшімізді салып күрестік. Жарыста бас жүлдені жеңіп алғаным үшін шексіз қуаныштымын, – деп ой бөлісті турнир жеңімпазы Дулат Тұрсынбек.

– Жылдар бойы дәстүрлі түрде ұйымдастырлып келе жатқан бұл турнирдің өресі уақыт озған сайын биіктеп, қатысушылардың саны да артып келеді. Бұл сөз жоқ өңірлік спорттың дамуына ықпал етеді. Алыстан ат арытып келген бапкерлер мен балауандарға алғысым шексіз. Алған  жүлделері құтты болсын! Олардың ертең әлемдік сындарда жеңіс туын желбіретуіне тілектестік білдерімін, – деді  спорт ардагері Аманбек Саматов.                       

Е.АСЫЛ.

Оқылды 2769 рет

Соңғы жаңалықтар

Сәу 29, 2024

«ТАЗА ҚАЗАҚСТАН»: ШАРАДАН АУДАН…

Қазақстан Республикасының Президенті Қасым-Жомарт Кемелұлының тікелей бастамасымен барлық…
Сәу 29, 2024

Қалпына келтіру жұмыстарын өзім…

Тасқын су жүрген өңірлерде үй-жайынан айырылған халықтың баспанасын қалпына келтірудің…
Сәу 29, 2024

Жазушы мерейтойына арналды

«Таза Қазақстан» экологиялық тазалық акциясына Райымбек ауданының тұрғындары да…
Сәу 29, 2024

«ДАНЬ ТРАДИЦИЯМ И ВОСПИТАНИЕ…

В рамках недели "Жасыл аймақ" экологической акции "Таза Қазақстан", проводимой по всей…
Сәу 29, 2024

С Днем Единства народа Казахстана

Хочу поздравить всех с Днем Единства народа Казахстана и выразить благодарность за вашу…
Сәу 25, 2024

Ел бірлігі – ел теңдігі

Мемлекет басшысы Қасым-Жомарт Тоқаевтың төрағалығымен Қазақстан халқы Ассамблеясының…
Сәу 25, 2024

Савелий КАРАСАВИДИ, председатель…

На ХХХІІІ сессии Ассамблеи народа Казахстана Президент РК Касым-Жомарт Токаев отметил,…
Сәу 25, 2024

Мызғымас бірлік – алынбас қамал

Бүгін Мемлекет басшысы Қасым-Жомарт Тоқаевтың төрағалығымен Қазақстан халқы…
Сәу 22, 2024

НЕДЕЛЬНЫЙ МАРШ ЧИСТОТЫ

Свыше 75 тысяч жителей Алматинской области приняли участие в марше чистоты «Киелі мекен»,…

Күнтiзбе

« Сәуір 2024 »
Дс Сс Ср Бс Жм Сб. Жк
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет