Сәрсенбі, 20 Қараша 2019 09:56

Үміт күткен періште

Үміт күткен періште mezet.kz

Бұл фәнидегі әр пенде өмір есігін ашқаннан сынақпен өмір сүреді. Жаратқан бірін – денсаулықпен, бірін байлықпен, кейбіреуге кедейлік беріп төзімділігін тексереді. Сол сыннан сүрінбей, сабырын сақтағандарға сыйын жәннатпен сүйіншілейміз деген де сөз бар дінімізде.

Кәусар атты балапан да дүниеге үлкен сынақпен келді. Алла берген ең үлкен нығмет тыныс алу ол үшін қиынға соғады. Өкпе ауруын ең ауыр түріне шалдыққан бүлдіршін арнайы аппаратсыз дем алуы қиын. Дәрігерлер «Үмітіңді үз, «адам» болмайды» деп шығарып салған балапанын қайтсем де қатарына қосамын деп шырылдауда анасы. Ауыр құралды арқалап, аурухананың табалдырығын тоздырып, баласын апармаған жері жоқ екен. Осы уақытқа дейін 15 ота жасалып, ендігі шешуші емі Түркияда жасалмақ. Жалғызбасты ана қанша тыраштанса да, қу дүние ештеңеге жетпей жалғыз перзенті үшін қайырымды жандардан көмек сұрауға мәжбүр болады. Ниетіне қарай Есік қаласының еріктілерінен құрылған «Иманды жастар» қайырымдылық қоры жолығып, балапанның еміне қаржы жинауды қолға алады.

Қасиетті Мәуліт айында жүрегі мейірімге толы абзал жандарды жинап ауқымды кеш ұйымдастырды аталған мүшелері. Маралбек Битенов, Абу-Кай, Нұртас Қайратұлы сынды эстарада жұлдыздары әннен шашу шашып, Құрманғазы атындағы Қазақ Ұлттық консерваториясының студенттері күмбірлетіп күй шертіп, жас актер Болат Мамытбеков монолог оқып, өзге де өнерпаздар өнерлерін ортаға салды.  

Шараға Алматы қаласындағы «Жақсылық ордасы» еріктілер тобының жетекшісі Назира Рамазанова, «Құранға қызмет» қорының жетекшісі Асқар Абайұлы, «Мейірім» тобының жетекшілері Азамат Жанатұлы, Нұрболат Әбдірайымұлы, аудан имамы Сапархан Айдарханұлы, аудандық жастар ресурстық орталығының жетекшісі Айбек Ілебаев, Есік қаласындағы көру қабілеті бұзылған балаларға арналған мектеп-интернаттың оқушылары мен ұстаздары, қала қонақтары  қатысты.

Мағыналы қойылым көріп, мәнін көкейге түйіп, әуезді әндер мен тәтті күйлер көрермен көңілінен шығып, көзіне жас алғандар да болды. Ауданымыздағы қайырымды жандардың басын қосып, игі істердің ұйытқысы болып, мұқтаждардың қажетін өтеп беріп жүрген «Иманды жастар» еріктілер тобының жетекшісі Қанат Теңгелбайұлы өз сөзінде барша жиналған қауымға алғысын білдіре отырып:

  • Біз қазақ жетімін жылатпаған, жесірін қаңғыртпаған, қолындағы бір үзім нанын бөліп беруге дайын қайырымды халықпыз. Сүрінгенге сүйеу, жығылғанға демеу болар қасиетімізбен бүгін де лық толы залмен көңілдеріңіздің кеңдігін көрсетіп отырсыздар. Бастан-аяқ жүгіріп ұйымдастырған ерікті жастарға, аудан имамдарына, ұстаздарымызға, барша жиналған қауымаға көп рақмет. Кәусар балапанымыз жазылып кетіп, арамызға қосылып, ол да жақсылық жолында жарысып жүрер қыз боларына сенеміз, дұға етеміз, – дей келе, жаны жомарт демеушілерден, қонақтардан жиналған жалпы сомасы 809 505 теңгені халық алдында Кәусар балапанның анасына табыстады.
  • Анасы сауапты істен құр қалмай, қайырымдылық көрсеткен барша қауымға қуаныштан көзіне жас алып, үлкен алғысын білдірді.

Жансая ЫСҚАҚ

Оқылды 2150 рет
Осы категориядағы басқа материалдар: « Үміт күткен періште Үміт күткен періште »

Соңғы жаңалықтар

Мам 16, 2024

АЛАШТЫҢ Ардақты азаматы

«Құдай» қайта қиыпты жерге сені, Көгіме де керек деп бермес еді. Жерге де ортақ бір бала,…
Мам 16, 2024

Семья под защитой закона

Проблема семейно-бытового насилия актуальна в общемировом масштабе. Не является…
Мам 06, 2024

Көрікті көлге көңіл бөлінді

Бүгін «Таза Қазақстан» экологоиялық акциясының аясында Есік көлінде «Мөлдір бұлақ»…
Мам 04, 2024

Еңбегіңді арнай білсең ел үшін, Сол…

 Ел қорғанысының әлсіз болуға еш хақысы жоқ. Әлемде геосаяси мәселелер өршіп тұрған шақта…
Мам 04, 2024

Танк жүргізуші ТЕМІРҚҰЛОВ

Ұлы Отан соғысы кезіндегі алмағайып заманда, от пен оқтың ортасында жүрген жауынгерлердің…
Мам 04, 2024

«АЙБЫН» ордені БАТЫРЛАР есімімен…

«Адал адам – адал еңбек – адал табыс» тақырыбында өткен Ұлттық құрылтайдың үшінші…
Мам 04, 2024

«АЙБЫН» ордені БАТЫРЛАР есімімен…

«Адал адам – адал еңбек – адал табыс» тақырыбында өткен Ұлттық құрылтайдың үшінші…
Мам 04, 2024

ЖИЗНЬ, ПОСВЯЩЕННАЯ РОДИНЕ

«Родина у нас одна» – такая обыденная, не требующая доказательств аксиома… Но так ли она…

Күнтiзбе

« Мамыр 2024 »
Дс Сс Ср Бс Жм Сб. Жк
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет