Қош келдіңіз! Добро пожаловать!
Сәрсенбі, 08 Мамыр 2019 16:30

Ардагерлер

Ардагерлер https://www.google.com/search?q=9+%D0%BC%D0%B0%D0%BC%D1%8B%D1%80+%D0%B0%D1%80%D0%B4%D0%B0%D0%B3%D0%B5%D1%80%D0%BB%D0%B5%D1%80&source=lnms&tbm=isch&sa=X&ved=0ahUKEwjGxuKQ3YviAhVExcQBHefyAqYQ_AUIDigB&biw=1600&bih=757#imgrc=V5lh4ljkvffSaM:

Ардагерлер – батыр жандар, асыл жандар, ақ жандар,

Оққа қарсы, отқа қарсы кеуде тосып барғандар.

Болашақтың қамы үшін тозақ отқа жанғандар,

 Атойлатып, ат ойнатып жауға ойран салғандар.

Армысыңдар, бармысыңдар, өңшең ерлер, тарландар!

 

                         Ардагерлер – жауды жеңіп, елге аман келгендер,

                         Ардагерлер – тылдағы ел, жеңеріне сенгендер,

                         Жеңіс үшін қиындықтың барлығына көнгендер.

                         Жеңіс үшін бойындағы барын сығып бергендер!

 

Ардагерлер – жиырмасында жесір қалған жеңгелер,

Олар қылған ерліктерге қандай ерлік тең келер?!

Жалғыз жатқан түндерінің өтеулерін кім берер?!

Өксіп өткен өмірінің қайырымын кім төлер?!

 

                          Ардагерлер – соғыс жылғы соқа тартқан балалар,

                          Әке орнын, аға орнын жоқтатпаған «даналар».

                          Ардагерлер – азаматын аттандырып майданға,

                          Белін буып, қолдарына күрек алған аналар.

 

Ардагерлер – батыр жандар, асыл жандар, ақ жандар,

Адамзатты алапаттан аман алып қалғандар.

Ардагерлер, қажымаңдар! Тыныштықты қорғаңдар!

Бейбіт күнді бейбіт күнге қалғымаңдар, жалғаңдар.

Ардагерлер – ақ жандар!

 

Кенжеғали ҮСЕНБАЕВ,

 Есік қаласы.

Read 30 times
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама