Аудандық ардагерлер кеңесінің ұйымдастыруымен Ұлы Жеңістің 77 жылдығына орай бильярд ойынынан аудандық жарыс өтті. Аталған сайысқа 19 зейнеткер, еңбек ардагерлері қатысып, шар соғудан бақтарын сынады.
Бильярд ойынына қатысқан шебер ардагерлердің өнерлері көпшілікті тамсандырды. Тартысты турнирде І орын тұғырына Асыл Байтулақов көтерілді. ІІ орын Серік Спатаевқа бұйырып, Сулейман Шамшуддинов ІІІ орынды еншіледі.
– Бүгінгі сайысымыз ел ағалары үшін есте қалар шара болды. Барлығы бильярд ойынына деген қызығушылықтарымен жарысты қыздыра түсті. Болашақта да осындай сайыстар жалғасын таба берсе екен деп тілектерін білдіруде. Талғар ауданынан да жарысқа қатысушы ардагерлер бой көрсетті. Сайыстың өтуіне демеушілік еткен Есік қаласының әкімі Асхат Аңсатбаев, аудандық кәсіпкерлік бөлімінің басшысы Нұрболат Серғали, жұмыспен қамту орталығының директоры Досжан Сейдахметов, Ішкі саясат, мәдениет және тілдерді дамыту, спорт бөлімінің бас маманы Ерболат Сарабековке ардагерлер атынан алғыс білдіреміз, – деді шараның өтуіне мұрындық болған аудандық ардагерлер кеңесінің төрағасы Тілеулес Ұзақов.
Р.НАРХАНОВ.
